Ioba 14:1-22
14 “Te taata fanauhia e te vahine,E oraraa poto+ to ˈna e te î i te mauiui.*+
2 E faura mai oia mai te hoê tiare a mǎrô* atu ai.+E maue ê oia mai te marumaru a moˈe atu ai.+
3 Oia mau, ua haamau oe i to mata i nia ia ˈna,E e horo oe ia ˈna* i te haavaraa.+
4 O vai te nehenehe e hamani i te tahi taata viivii ore no roto mai i te tahi taata viivii?+
Aita hoê aˈe!
5 Mai te peu ua faaotihia to ˈna mau mahana,Tei ia oe ra te rahiraa o to ˈna mau avaˈe.Ua tuu oe i te otia no ˈna ia ore oia ia tâhiti i te reira.+
6 A fariu ê i to mata ia ˈna ia nehenehe oia ia faafaaea,E ia hope roa to ˈna mahana+ mai te hoê rave ohipa tarahuhia.
7 E tiaturiraa atoa hoi to te tumu raau.
Ia tâpû-noa-hia ˈtu te reira, e oteo faahou mai,E e tupu noa to ˈna mau amaa apî.
8 Ia paari noa ˈtu to ˈna aˈa i raro i te repo,E ia pohe to ˈna tumu i raro i te repo,
9 E oteo faahou mai te tumu raau i te rarirariraa i te pape.E tupu mai to ˈna mau amaa mai te hoê raau apî.
10 E pohe râ te hoê taata a tarava ˈi ma te puai ore.Ia puhi te hoê taata i te aho hopea, teihea ˈtura oia?+
11 E ore te mau pape o te miti,E e pau te pape o te anavai a mǎrô atu ai.
12 E tarava atoa te taata e eita e tia mai.+
E ia mou roa ˈtu te raˈi, eita ratou e ara mai,Eita atoa ratou e faaarahia i to ratou taotoraa.+
13 Ahiri iho â oe i haamoˈe ia ˈu i roto i te Apoo,*+Ahiri oe i faatapuni ia ˈu e ia ore roa ˈtu to oe riri,Ahiri oe i faataa i te taime no ˈu e haamanaˈo ai oe ia ˈu!+
14 Ia pohe te hoê taata, e nehenehe anei oia e ora faahou mai?+
E tiai au i te mau mahana atoa o ta ˈu ohipa faahepohiaE ia tae roa mai to ˈu tamǎrûraa.+
15 E pii oe, e e pahono vau ia oe.+
E tiai ru* oe i te ohipa a to oe rima.
16 I teie nei râ, te taio noa nei oe i to ˈu mau taahiraa avae atoa.Te tamoemoe noa ra oe i ta ˈu hara.
17 Ua taamuhia ta ˈu hara i roto i te tahi pute,E e taati oe i ta ˈu hape i te tapiri.
18 Mai te tahi mouˈa ia marua e ia purehuE te tahi mato ia taa mai to ˈna vairaa,
19 Mai te pape ia pao i te mau ofaiE to ˈna mau taheraa ia hopoi ê i te repo fenua,Na reira oe i haamou ai i te tiaturiraa o te taata.
20 Te haavî noa ra oe ia ˈna e ia mou roa oia.+E taui oe i to ˈna hohoˈa, e e tuu oe ia ˈna ia haere.
21 Ua faaturahia ta ˈna mau tamaiti, aita râ oia i ite.Te haafaufaa-ore-hia ra ratou, aita râ oia e taa ra.+
22 E ite oia i te mauiui o to ˈna iho tino.E oto oia* a ora noa ˈi oia.”
Nota i raro i te api
^ Aore ra “arepurepuraa.”
^ Huri-atoa-hia “tâpûhia.”
^ Heb: “ia ˈu.”
^ Aore ra “mihi.”
