Ioba 3:1-26
3 I muri iho i te reira to Ioba paraparauraa e faainoraa i te mahana i fanauhia ˈi oia.*+
2 Parau ihora Ioba:
3 “Ia mou te mahana i fanauhia ˈi au,+Oia atoa te po i parauhia ˈi: ‘E tamaroa tei fanauhia mai!’
4 Ia poiri taua mahana ra.
Eiaha te Atua i nia ia haapao i te reira.Eiaha te maramarama ia anaana ˈtu i nia iho.
5 Ia riro te reira i te poiri taˈotaˈo.*
Ia mau te hoê ata poiri i nia i te reira.
Ia poˈi to ˈna maramarama i te poiri riaria.
6 Taua po ra, ia haruhia ïa e te rumaruma.+Eiaha te reira ia oaoa i rotopu i te mau mahana o te matahiti,E eiaha te reira ia taiohia i roto i te mau avaˈe.
7 Inaha, eiaha te tahi taata ia fanauhia i taua po ra.Eiaha ia faaroohia te hoê reo oaoa i taua po ra.
8 Ia faaino te feia e faaino ra i te mahana i te reira,Te feia tei nehenehe e faaara ia Leviatana.*+
9 Ia poirihia te mau fetia o to ˈna aahiata.Ia tiai faufaa ore te reira i te ao,E eiaha te reira ia ite i te mau hihi mahana a haamata ˈi i te marama.
10 Aita hoi te reira i tapiri i te uputa o te opu o to ˈu metua vahine.+Aita atoa te reira i huna i te ati i to ˈu mata.
11 Eaha vau i ore ai i pohe i to ˈu fanauraahia?
Eaha vau i ore ai i mou i to ˈu haereraa mai i rapae i te opu?+
12 Eaha to ˈu metua vahine i farii ai ia ˈu i nia iho i to ˈna na turiE i faaamu ai ia ˈu i to ˈna û?
13 Ua tarava ïa vau ma te peapea ore i teie nei.+Ua taoto vau e ua faafaaea+
14 E te mau arii o te fenua e to ratou feia aˈo,Tei patu no ratou i te mau vahi e vai ano ra i teie nei,*
15 Aore ra e te huiarii e auro ta ratou,E e fare to ratou tei î i te ario.
16 Aore ra eaha vau e ere ai mai te tahi aiû tei haamaruahia ma te ite-ore-hia,Mai te mau tamarii tei ore i ite aˈenei i te marama?
17 I reira ua faaea atoa te taata ino i te faahuehue.I reira te faafaaea ra tei rohirohi.+
18 I reira te parahi amui ra ma te hau tei tapeahia.Aita ratou e faaroo ra i te reo o tei faahepo ra ia ratou ia rave i te ohipa.
19 Hoê â tei haihai e tei rahi i reira,+E ua tiamâ te tavini i to ˈna fatu.
20 Eaha te Atua e horoa ˈi i te maramarama i te taata e mauiui raE te ora i te feia e ahoaho roa ra?*+
21 Eaha ratou e tiai ru ai i te pohe, eita râ te reira e tae mai?+
E imi ratou i te reira hau aˈe i te mau taoˈa hunahia,
22 Te feia e oaoa roa ra,O te oaoa ra ua ite-anaˈe-hia ia ratou te apoo hunaraa.
23 Eaha oia e horoa ˈi i te maramarama i te tahi taata aita i ite faahou i to ˈna eˈa,Te tahi taata tei auahia e te Atua?+
24 Te haere mai ra hoi ta ˈu autâ, eiaha râ ta ˈu maa,+E te manii ra ta ˈu uuru+ mai te pape.
25 Ua faaruru hoi au i ta ˈu i taiâ,E ua roohia vau i ta ˈu i mǎtaˈu.
26 Aita to ˈu e hau, e maniania ore, e faafaaearaa,Te tae noa mai ra râ te ati.”
Nota i raro i te api
^ Heb: “to ˈna mahana.”
^ Aore ra “te poiri e te maru pohe.”
^ Manaˈohia e moo taehae aore ra te tahi atu animara rahi e te puai i roto i te pape.
^ Huri-atoa-hia “tei patu i te mau vahi taata ore no ratou.”
