Isaia 45:1-25
45 Teie te parau a Iehova ia Kuro+ ta ˈna i faatavai,Ta ˈna i rave te rima atau+No te haavî i te mau nunaa i mua ia ˈna,+No te rave i te mau mauhaa tamaˈi a* te mau arii,No te tatara i mua ia ˈna i te mau uputa e piti opani,Ia ore te mau uputa e tapirihia:
2 “E haere au i mua ia oe,+E e haamanina vau i te mau aivi.
E faahuˈahuˈa vau i te mau opani veo,E e vavahi au i te mau auri tarava.+
3 E horoa vau na oe i te pueraa taoˈa to roto i te poiriE te pueraa taoˈa hunahia i te mau vahi huna,+Ia ite oe o vau o Iehova,Te Atua o Iseraela, o te pii nei ia oe ma to oe iˈoa.+
4 No ta ˈu tavini o Iakoba e no ta ˈu i maiti o Iseraela,Te pii nei au ia oe ma to oe iˈoa.
Te mairi nei au ia oe i te tahi iˈoa hanahana, noa ˈtu aita oe i ite o vai au.
5 O vau o Iehova, e aita ˈtu.
Aita e Atua, o vau anaˈe.+
E faaitoito vau* ia oe noa ˈtu aita oe i ite o vai au,
6 Ia ite te taataMai te hitiraa mai o te mahana i te toparaa o te mahana*Aita e Atua ê atu ia ˈu.+
O vau o Iehova, e aita ˈtu.+
7 Na ˈu e haamau i te maramarama+ e e poiete i te poiri,+Na ˈu e faatupu i te hau+ e te ati.+O vau, o Iehova, te rave nei i teie mau mea atoa.
8 Oe te raˈi, a haamairi i te ûa mai nia mai.+Ia ninii mai te mau ata i te parau-tia.
Ia hamǎmǎ te fenua e ia faatupu rahi mai i te faaoraraa,E ia faaoteo mai i te parau-tia i te hoê â taime.+
O vau, o Iehova, tei poiete i te reira.”
9 Ua ati te taata e mârô i Tei hamani ia ˈna,Hoê tuhaa noa hoi oia o te tahi farii araeaI rotopu i te tahi atu mau huˈahuˈa farii araea i nia i te repo!
Ia parau anei te araea i te Potera:* “Eaha ta oe e hamani ra?”+
Aore ra ia parau anei ta oe i hamani: “Aita to ˈna e rima?”*
10 Ua ati te taata o te parau i te tahi metua tane: “E fanauhia mai ta oe eaha?”
E i te tahi vahine: “Eaha ta oe e fanau mai?”*
11 Teie te parau a Iehova, Tei Moˈa o Iseraela,+ Tei hamani ia ˈna:
“E uiui mai anei oe ia ˈu no nia i te mau mea e tupu a muri aˈeE e horoa mai anei oe i te faaueraa no nia i ta ˈu mau tamarii+ e te mau ohipa a to ˈu nei rima?
12 Na ˈu i hamani i te fenua+ e i poiete i te taata i nia i te reira.+
Na ˈu i hohora i te raˈi i to ˈu iho rima,+E na ˈu e horoa i te faaueraa i ta ˈna nuu taatoa.”+
13 “Ua titau vau i te tahi taata no te parau-tia,+E e faaafaro vau i to ˈna mau eˈa atoa.
Na ˈna e patu i to ˈu oire+E e faatiamâ i to ˈu mau taata tei hopoi-tîtî-hia+ aita e aufauraa aore ra peta,”+ te na reira ra Iehova o te mau nuu.*
14 Teie ta Iehova e parau ra:
“Te faufaa* a Aiphiti e te mau taoˈa hoo* a Etiopia e to Sabea, e tiapai taata,E tae mai i ǒ oe e e riro ratou na oe.
E haere ratou na muri ia oe ma te taamuhia i te fifi.
E tae mai ratou e e piˈo ratou i mua ia oe.+
Ia oe ratou e parau ai ma te faatura: ‘Mea papu tei ia oe ra te Atua,+E aita ˈtu, aita e Atua ê.’”
15 Oia mau e Atua oe o te tapuni,E Atua o Iseraela, te Faaora.+
16 E haama e e faahaamahia ratou pauroa.E haere te feia hamani idolo atoa ma te haama.+
17 Area râ o Iseraela, na Iehova e faaora i te tahi faaoraraa mure ore.+
Eita outou e faahaamahia e a muri noa ˈtu.+
18 Teie te parau a Iehova,Te Atua poiete i te raˈi,+ te Atua mau,Tei hamani i te fenua, te Atua poiete tei haamau papu i te reira,+Tei ore i hamani i te reira mai tera noa,* ua hamani râ ia parahihia e te taata:+
“O vau o Iehova e aita ˈtu.
19 Aita vau i paraparau i te tahi vahi huna,+ i te hoê fenua poiri.Aita vau i parau i te huaai o Iakoba:‘A imi faufaa ore noa mai ia ˈu.’
O vau o Iehova, o te parau i te mea tia e o te faaite i te mea afaro.+
20 A haaputuputu e a haere mai.
A tapiri mai outou pauroa, outou tei ora mai i te mau nunaa.+
Aita to ratou e ite, te feia e amo ra i te tii taraihiaE e pure ra i te atua eita e nehenehe e faaora ia ratou.+
21 A faaite mai i to outou tupuraa, a horoa mai i ta outou mau parau haapapuraa.
Ia ani te tahi i te tahi i to ˈna manaˈo ma te tahoê.
Na vai i tohu i te reira mea maoro aˈeneiE i faaite mai i te reira mai tahito mai ra?
E ere anei na ˈu, o Iehova?
Aita ˈtu e Atua, o vau anaˈe.E Atua parau-tia e e Faaora,+ aita hoê aˈe, o vau anaˈe râ.+
22 A huri mai e ia faaorahia outou+ pauroa to te hopea o te fenua,O vau hoi te Atua, e aita ˈtu.+
23 Ua horeo vau ia ˈu iho.Ma te parau-tia i reva ˈi te parau no roto i to ˈu vaha,E eita te reira e hoˈi mai:+
E tuturi te taata atoa i mua ia ˈu nei,E horeo te taata atoa i te taiva ore+
24 E e parau: ‘Oia mau tei ia Iehova ra te parau-tia mau e te puai.
Te feia atoa tei riri ia ˈna te haere mai i mua ia ˈna ma te haama.
25 Maoti Iehova e tano ai te huaai atoa o Iseraela,+E ia ˈna ra ratou e haapeu ai.’”
Nota i raro i te api
^ Heb: “tatara i te hatua i te tauupu o.”
^ Heb: “hatua maitai au.”
^ Aore ra “Mai hitia o te râ i tooâ o te râ.”
^ Aore ra “Tei hamani ia ˈna.”
^ Huri-atoa-hia “Aore ra ia parau anei te araea: ‘Aita e tapearaa to tei hamanihia e oe’?”
^ Aore ra “Te fanau ra oe i te aha?”
^ Aore ra “sabaota.”
^ Huri-atoa-hia “taata hoo taoˈa.”
^ Huri-atoa-hia “Te mau rave ohipa.”
^ Huri-atoa-hia “ia vai-taata-ore-hia.”
