Maseli 31:1-31
31 Te mau parau a te arii Lemuela, te poroi faufaa ta to ˈna metua vahine i horoa ˈtu no te haapii ia ˈna:+
2 Eaha ta ˈu e parau ia oe, e ta ˈu tamaiti?Eaha ta ˈu e parau atu, e te tamaiti o to ˈu opu?Eaha ta ˈu e parau atu, e te tamaiti o ta ˈu mau euhe?+
3 Eiaha e horoa i to oe itoito no te mau vahine,+Eiaha e pee i te haerea e mou ai te mau arii.+
4 E ere na te mau arii, e Lemuela,E ere na te mau arii e inu i te uaina,E ere atoa na te mau faatere e parau: “Teihea ta matou inu?”+
5 Ia inu hoi ratou, e moˈe ia ratou te tureE e faaere ratou i te feia riirii i to ratou mau tiaraa.
6 A horoa i te ava na te feia e fatata ra i te pohe+E te uaina na te feia i roto i te ahoaho rahi.*+
7 Ia inu ratou e ia haamoˈe i to ratou veve.Ia ore ratou e haamanaˈo faahou i to ratou ati.
8 A paraparau no te paturu i te vava.A paruru i te mau tiaraa o te feia atoa e fatata ra i te pohe.+
9 A paraparau e a haava ma te parau-tia.A paruru i te mau tiaraa o te feia riirii e te feia veve.*+
א [Alepha]
10 O vai te ite mai i te hoê vahine faaipoipo e huru maitatai to ˈna?*+
Mea rahi aˈe to ˈna faufaa i to te toˈa.*
ב [Beta]
11 E tiaturi ta ˈna tane faaipoipo ia ˈna ma to ˈna aau atoa,E aita oia e ere ra i te tahi mea faufaa.
ג [Gimela]
12 E haamauruuru ta ˈna vahine faaipoipo ia ˈna i te maitai, eiaha i te ino,Pauroa te mahana o to ˈna oraraa.
ד [Daleta]
13 E noaa mai ia ˈna te huruhuru mamoe e te lino.Mea au na ˈna e rave i te ohipa e to ˈna rima.+
ה [He]
14 E au oia i te mau pahi a te taata tapihoo,+E faahaere mai oia i ta ˈna maa na te mau fenua atea mai.
ו [Vau]
15 E tia atoa mai oia te po noa ra,E horoa oia na to ˈna utuafare i te maaE na ta ˈna mau tavini vahine i ta ratou tuhaa.+
ז [Zaina]
16 Tei nia to ˈna feruriraa i te tahi fenua e e hoo mai oia i te reira,E tanu oia i te vine maoti ta ˈna iho rohiraa.*
ח [Heta]
17 E faaineine oia ia ˈna no te rohi,*+E e faaetaeta oia i to ˈna rima.
ט [Teta]
18 E ite oia e mea hoona ta ˈna imiraa.Eita ta ˈna mori e pohe i te po.
י [Ioda]
19 E haru to ˈna rima i te pheleke,E e rave mai to ˈna rima i te kisura.*+
כ [Kapha]
20 E toro oia i to ˈna apu rima i te taata riirii,E e hohora oia i to ˈna rima i mua i te taata veve.+
ל [Lameda]
21 Eita oia e haapeapea no to ˈna utuafare no te hiona,E ahu mahanahana* hoi to nia iho i to ˈna utuafare taatoa.
מ [Mema]
22 Na ˈna iho e hamani i to ˈna ahu taoto.
E lino e e huruhuru mamoe vareau to ˈna ahu.
נ [Nuna]
23 Mea matau-maitai-hia ta ˈna tane faaipoipo i te mau uputa o te oire,+I reira oia e parahi ai i rotopu i te mau matahiapo o te fenua.
ס [Sameka]
24 E hamani e e hoo atu oia i te ahu lino*E e hoo atu oia i te hatua i te feia tapihoo.
ע [Oina]
25 Ua ahuhia oia i te puai e te unauna,E te hiˈo ra oia i te ananahi ma te tiaturi.*
פ [Pe]
26 E parau to ˈna vaha i te paari.+Tei nia iho te ture o te hamani maitai* i to ˈna arero.
צ [Sade]
27 E haapao oia ia rave-maitai-hia te ohipa i te fare,E eita oia e amu i te maa o te faatau.+
ק [Kopha]
28 E tia mai ta ˈna mau tamarii e e haapopou ia ˈna.E tia mai ta ˈna tane faaipoipo e e haapopou ia ˈna.
ר [Resa]
29 Mea rahi te vahine e huru maitatai to ratou,*Area oe, ua hau aˈe ïa ia ratou pauroa.
ש [Sina]
30 Mea haavarevare â te nehenehe, e e mou oioi* â te purotu,+Area te vahine e mǎtaˈu ra ia Iehova, e haapopouhia ïa.+
ת [Tau]
31 A haamauruuru ia ˈna no ta ˈna e rave ra,*+E ia haapopouhia oia no ta ˈna mau ohipa i te mau uputa o te oire.+
Nota i raro i te api
^ Aore ra “feia aau ahoaho.”
^ Aore ra “A paturu i te feia riirii e te feia veve ia haavahia ratou.”
^ Aore ra “vahine maitai roa.”
^ Aore ra “moni i noaa mai.” Heb: “hotu a to ˈna rima.”
^ Heb: “E hatua oia i to ˈna tauupu i te puai.”
^ E raau te pheleke e te kisura i faaohipahia na no te hamani aore ra no te potaro i te taura no te ahu.
^ Heb: “E piti ahu.”
^ Aore ra “piripou poto.”
^ Aore ra “e ata oia i te mahana a muri aˈe.”
^ Aore ra “te haapiiraa î i te here,” “te ture o te here taiva ore.”
^ Aore ra “vahine maitai roa.”
^ Aore ra “mea faufaa ore.”
^ Heb: “A horoa na ˈna i te tahi tuhaa o te hotu a to ˈna rima.”
