Salamo 17:1-15
Pure a Davida.
17 A faaroo mai i ta ˈu taparuraa i te parau-tia, e Iehova.A fariu mai i to tariˈa i ta ˈu aniraa i te tauturu.A faaroo mai i ta ˈu pure haavarevare ore.+
2 A rave i te hoê faaotiraa tano no ˈu.+Ia ite to mata i te mea tia.
3 Te hiˈopoa ra oe i to ˈu aau, te hiˈopoa ra oe ia ˈu i te po,+Te tamâ ra oe ia ˈu.+E ite oe e aita vau i opua i te mea ino,E eita to ˈu vaha e hapa.
4 No te mau ohipa a te taata nei,Te ape ra vau i te eˈa o te taata ohipa ino, ia au i te parau a to vaha.+
5 Ia vai noa to ˈu avae i nia i to mau eˈaIa ore to ˈu avae ia turori.+
6 Te pii nei au ia oe, e pahono hoi oe ia ˈu,+ e te Atua.
A fariu mai i to tariˈa* ia ˈu nei. A faaroo i ta ˈu mau parau.+
7 A faaite i to here taiva ore ma te ravea faahiahia,+E te Faaora o te feia e imi ra i te haapuraa i to rima atau raNo te feia e orure hau ra ia oe.
8 A paruru ia ˈu mai to oe orio mata.+A tapuni ia ˈu i raro aˈe i to oe na pererau.*+
9 A paruru ia ˈu i te feia ino e aro ra ia ˈu,I to ˈu mau enemi e haaati ra ia ˈu.+
10 Ua etaeta roa to ratou aau.*Te paraparau nei ratou ma te teoteo.
11 I teie nei, te haaati ra ratou ia matou.+Te imi nei ratou i te ravea ia hiˈa matou.*
12 E au te enemi i te hoê liona o te ru ra i te hahae i ta ˈna maa,Mai te hoê liona apî e tapuni ra a tamoemoe noa ˈi.
13 A tia, e Iehova, no te aro ia ˈna+ e no te taue ia ˈna i raro.A faaora ia ˈu i te feia ino i ta oe ˈoˈe.
14 A faaora mai ia ˈu, e Iehova,I te taata o teie nei ao,* tei roto i teie oraraa ta ratou tuhaa,+Te feia ta oe e haamâha nei i te mau mea maitatai ta oe e horoa ra+E o te vaiiho mai i te hoê tuhaa na ta ratou pueraa tamaiti.
15 O vau râ, i roto i te parau-tia, e ite au i to aro.Te oaoa nei au i te ara e tei mua oe ia ˈu.+
Nota i raro i te api
^ Aore ra “piˈo mai e a faaroo.”
^ Heb: “marumaru pererau.”
^ Aore ra “Ua haaatihia ratou i to ratou mii.”
^ Aore ra “no te taora ia matou i raro.”
