Salamo 69:1-36
Na te aratai o te feia himene, i nia i “Te mau lili.” Na Davida.
69 To ˈu Atua e, a faaora ia ˈu, fatata hoi au i te paremo i roto i te pape.+
2 Te mure roa ra vau i roto i te vari meumeu, aita e vahi papu no te avae.+
Te mure ra vau i roto i te pape hohonu,Te afai ra te opape ia ˈu i vahi ê.+
3 Ua rohirohi roa vau i te tuôraa.+Ua piri to ˈu arapoa.
Ua rohirohi to ˈu mata i te tiairaa i to ˈu Atua.+
4 Mea rahi aˈe te feia e hae ra ia ˈu aita e tumu+I te rahiraa rouru i nia i to ˈu upoo.
Ua rahi roa te feia e imi nei i te haapohe ia ˈu,To ˈu mau enemi haavarevare.
Ua faahepohia vau ia faahoˈi i te mea ta ˈu i ore i eiâ.
5 E te Atua e, ua ite oe i te ohipa maamaa ta ˈu i rave,E aita ta ˈu hara e moˈe ra i te hunahia i mua ia oe.
6 Eiaha no ˈu noa ˈˈe e haama ˈi te feia e tiaturi ra ia oe,E te Arii hau ê e Fatu ra e Iehova o te mau nuu.*
Eiaha no ˈu noa ˈˈe e faahaamahia ˈi te feia e imi ra ia oe,E te Atua o Iseraela.
7 No oe au e faaruru ai i te faainoraa.+Te tapoˈi ra te haama i to ˈu hohoˈa mata.+
8 Ua riro vau ei taata ê no to ˈu mau taeae,Ei taata ê no te mau tamaiti a to ˈu metua vahine.+
9 Ua î roa vau i te itoito rahi no to fare,+E ua faaruru vau i te mau faainoraa a te feia tei faaino ia oe.+
10 I to ˈu faahaehaaraa ia ˈu ma te haapae i te maa,*Ua vahavahahia vau no te reira.
11 I to ˈu oomoraa i te ahu oto,Ua riro vau ei vahavaharaa* no ratou.
12 Ua riro vau ei paraparauraa na te feia e parahi ra i te uputa o te oire,E te himene ra te mau taero ava no nia ia ˈu.
13 E pure au ia oe,E Iehova, i te hoê taime au no oe.+
No te rahi o to here taiva ore, e te Atua e,A pahono mai ia ˈu e a faaite e o oe te Faaora mau.+
14 A tatara ia ˈu i te vari,Eiaha vau ia mure.
A faaora ia ˈu i te feia e hae ra ia ˈuE i te pape hohonu.+
15 Eiaha te opape ia afai ia ˈu i vahi ê,+Eiaha te pape hohonu ia horomii ia ˈu,Eiaha te apoo pape* ia tapiri i to ˈna vaha i nia ia ˈu.+
16 A pahono ia ˈu, e Iehova, mea maitai hoi to here taiva ore.+
No te rahi o to aroha hamani maitai, a fariu ia ˈu nei,+
17 E eiaha e huna i to aro i to tavini.+
A pahono oioi mai ia ˈu, te ahoaho nei hoi au.+
18 A tapiri mai e a faaora ia ˈu.A hoo mai ia ˈu i to ˈu mau enemi ra.
19 Ua ite oe e te faainohia ra e te faahaamahia ra vau.+
Te ite ra oe i to ˈu mau enemi atoa.
20 Ua mauiui roa to ˈu aau i te faainoraa, aita te pepe e ora ra.*
I tiai na vau i te aumihi, aita râ!+Aita atoa i itea mai ia ˈu te feia tamahanahana.+
21 Ua horoa mai râ ratou i te mea taero* ei maa,+E no te haamâha i to ˈu poihâ, ua horoa mai ratou i te vineta.+
22 Ia riro ta ratou amuraa maa ei marei no ratou,E ta ratou faufaa, ei herepata.+
23 Ia poirihia to ratou mata ia ore ratou ia ite,E ia rûrû noa to ratou tauupu.
24 A manii i to oe riri i nia ia ratou,E ia roohia ratou i to oe riri rahi.+
25 Ia vai ano to ratou puhaparaa.Eiaha roa e taata e parahi i roto i to ratou mau fare ie.+
26 Te aˈuaˈu ra hoi ratou i tei tairihia e oe.Te tamau noa ra ratou i te faatia i te mauiui o te feia ta oe i haapepe.
27 A tuu â i te hapa i ta ratou hapa,E eiaha ratou ia fanaˈo i ta oe parau-tia.
28 Ia tumâhia ratou i roto i te buka o te feia ora,*+E eiaha ratou ia tapaohia i rotopu i te feia parau-tia.+
29 Te ahoaho nei râ vau e te mauiui ra.+
Ia paruru to oe puai faaora ia ˈu, e te Atua e.
30 E himene au i te arueraa i te iˈoa o te Atua,E e faahanahana vau ia ˈna ma te haamauruururaa.
31 Mea au roa ˈˈe na Iehova i te reira i te hoê puaatoro oni,I te hoê puaatoro oni apî ua tupu te tara e te maiuu.+
32 E ite te feia mǎrû i te reira e e oaoa ratou.
Outou te feia e imi ra i te Atua, ia ora faahou mai to outou aau.
33 Te faaroo ra hoi Iehova i te feia veve,+E eita oia e vahavaha i to ˈna nunaa o tei tapeahia.+
34 Ia arue te raˈi e te fenua ia ˈna,+Te miti e te mau mea atoa e ora ra i roto.
35 E faaora hoi te Atua ia Ziona+A faatia faahou atu ai i te mau oire o Iuda,E parahi ratou i reira a fatu atu ai i tera vahi.*
36 E fatu te mau huaai o ta ˈna mau tavini i te reira.+E te feia o te hinaaro ra i to ˈna iˈoa,+ e parahi ratou i reira.
Nota i raro i te api
^ Aore ra “sabaota.”
^ Huri-atoa-hia “I to ˈu otoraa e haapaeraa i te maa.”
^ Heb: “parau paari.”
^ Aore ra “apoo.”
^ Aore ra “ua oti roa vau i te faaoromairaa.”
^ Aore ra “te tahi raau tupu mea taero.”
^ Aore ra “buka o te ora.”
^ Oia hoi te fenua.
