КИЧЭЭЛ 19
Иегованың Херечилери ёзулуг христианнар бе?
Иегованың Херечилери — ёзулуг христианнар деп чигзинмес бис. Бүзүреливистиң үндезинин, чүге ол атты шилип алганывысты база бот-боттарывыска ынакшылды канчаар илередип турарывысты көрээлиңер.
1. Иегованың Херечилери бүзүрелин чүде үндезилээн?
Бурганның Сөзү — алыс шын деп, Иисус чугаалаан (Иоанн 17:17). Иегованың Херечилери, Иисус ышкаш, бүзүрелин Библияга үндезилеп турар. Чижээ, шынчы кижилер XIX вектиң төнчүзүнде Бурганның Сөзүн кичээнгейлиг шинчилеп эгелээн. Церковьтарның кол өөредиглери-биле дүүшпес-даа болза, Бурганның Сөзүнге даяныр деп шиитпирлээннер. Удатпаанда олар Библиядан алыс шынны улуска чугаалап эгелээннер a.
2. Бис чүге Иегованың Херечилери деп аттыг бис?
Иегова Бодунуң бараалгакчыларын херечилер деп адаан, чүге дээрге олар алыс шынны чугаалап турар (Еврейлерге 11:4—12:1). Бурунгу үеде Бурган чонун: «Мээң херечилерим — силер силер» — дээн. (Номчуптуңар: Исайя 43:10.) Иисусту «шынчы Херечи» деп адаар (Ажыдыышкын 1:5). Ынчангаш 1931 чылда Иегованың Херечилери деп атты алган бис. Ол атка чоргаарланыр бис.
3. Иегованың Херечилери ынакшылды канчаар илередип турар?
Иисус өөреникчилеринге дыка ынак турган. (Номчуптуңар: Марк 3:35.) Шак ынчаар бүгү делегейде Иегованың Херечилери бот-боттарын делегей чергелиг өг-бүлениң кежигүннери кылдыр санаар. Ынчангаш бот-боттарывысты акы-угбашкы дээр бис (Филимонга 1, 2). «Бүзүрээн ха-дуңмаңарга ынак болуңар» деп дүрүмнү сагыыр бис (1 Пётр 2:17). Иегованың Херечилери аңгы-аңгы байдалдарда, бойдус халаптарының үезинде кады бүзүрээн ха-дуңмазынга ынакшылды көргүзүп турар.
ХАНЫ ШИНЧИЛЕҢЕР
Иегованың Херечилери ёзулуг христианнар деп немелде бадыткалдарны болгаш төөгүвүстү эки билип алыр силер.
Ёзулуг христианнар бүзүрелин Библияга үндезилээр, өске улуска чүдүлгезиниң дугайында чугаалап турар
4. Шупту өөредиглеривис Бурганның Сөзүнге үндезилеттинген
Библиядан алыс шын билиг чоорту ажыттынар деп, Иегова баш удур чугаалап каан. Даниил 12:4-тү номчааш, харыылаптыңар:
-
Библияны ханы шинчилээниниң ачызында Бурганның бараалгакчыларынга канчаар «билиг көвүдеп кээр» ужурлуг турган?
Библия шинчилекчилериниң бөлүү, ооң санында Чарлз Расселл, Бурганның Сөзүн канчаар шинчилеп турганын билип алыңар. ВИДЕОНУ көргеш, айтырыгга харыылаптыңар:
-
Чарлз Расселлдиң бөлүү Библияны кандыг арга-биле шинчилеп турганнар?
Билир силер бе?
Үе-үе болгаш, билиивисти чаартып турар бис. Даң бажында хүн үнери ышкаш, библейжи алыс шынны Бурган биске чоорту ажыдып турар. (Номчуптуңар: Чугаалар 4:18.) Бурганның Сөзү өскерилбес. Ону оон-даа эки билип эгелээш, көрүжүвүстү өскертип турар бис.
5. Адывыска дүүштүр чурттап чоруур бис
Чүге Иегованың Херечилери деп атты хүлээп алган бис? ВИДЕОНУ көргеш, айтырыгга харыылаптыңар.
-
Иегованың Херечилери деп ат чүге эң таарымчалыг?
Иегова чүү дээш кижилерден херечилерни шилип алган? Бурганның дугайында меге өөредиглер нептерээн боорга, олар шынны чугаалап турар. Ийи чижекти көрээлиңер.
Чамдык шажыннар Бурганга чүдүүрде чуруктар болгаш дүрзү-хевирлер ажыглаар деп өөредип турар. Левит 26:1-ни номчааш, харыылаптыңар:
-
Дүрзү-бурганнарга Иегованың хамаарылгазы кандыг?
Чамдык шажыннар Иисусту Бурган деп өөредип турар. Иоанн 20:17-ни номчааш, харыылаптыңар:
-
Бурган биле Иисус дээрге чаңгыс хуу-бот бе?
-
Бурганның болгаш Иисустуң дугайында алыс шынны чугаалаары — улуг алдар-хүндү деп санаар силер бе?
6. Аравыста ынакшыл бар
Мага-бот тургузуу ышкаш, христианнар аразында ёзулуг ынакшылдыг, демниг болуру чугула. 1 Коринфичилерге 12:25, 26-ны номчааш, харыылаптыңар:
-
Ха-дуңмазы багай чүвеге таварышканда, ёзулуг христианнар канчаар алдынар?
-
Иегованың Херечилериниң аразында ынакшыл бар бе? Чижектен чугаалаңар.
Ха-дуңмазы айыыл-халапка таварышкан болза, өске чурттардан Иегованың Херечилери дүрген-не дузаны кадар. Бо бир чижек. ВИДЕОНУ көргеш, айтырыгга харыылаптыңар.
-
Бойдус халавындан когараан улуска Иегованың Херечилериниң дузазы оларның ынакшылын канчаар бадыткап турар?
Бергелерге таварышкан улуска ёзулуг христианнар ынакшылды көргүзүп турар
ЧАМДЫК УЛУС МЫНЧА ДЕП БОЛУР: «Иегованың Херечилери дээрге чаа чүдүлге-дир».
-
Иегова бараалгакчыларын кайы үеден эгелеп херечилер деп адаан?
КОЛ БОДАЛ
Иегованың Херечилери — ёзулуг христианнар, делегей чергелиг өг-бүле бис. Бүзүреливисти Библияга үндезилеп, Иегованың дугайында алыс шынны суртаалдап турар бис.
Катаптаашкын
-
Чүге Иегованың Херечилери деп атты алган бис?
-
Аравыста хамаарылгавыс кандыг?
-
Иегованың Херечилерин ёзулуг христианнар деп санаар силер бе?
НЕМЕЛДЕ
Бистиң төөгүвүс-биле таныжыңар.
«Иегованың Херечилери — бүзүрелдиң ажыл-херээ. Кезек 1. Дүмбейден» (1:00:53)
Иегованың Херечилери бир шажынчы мегени тодараткан.
Иегованың Херечилериниң дугайында билип алыр силер.
«Иегованың Херечилериниң дугайында улустуң үргүлчү салыр айтырыглары» (сайтыда рубрика)
Стивен аңгылажыышкын чогуштарынга киржип турган. Иегованың Херечилериниң үлегери ону өскерлип алырынче канчаар оттурганын сонуургаңар.
«Мээң чуртталгам баксырап бар-ла чыткан» («Таңныыл суургазы» июль 1, 2015 чыл)
a Бистиң кол журналывыс «Таңныыл суургазы» 1879 чылда үнүп эгелээн, долузу-биле Библияга үндезилеттинген.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
