Библиын самой умой визь-кенешъёс гожтэмын. Тӥ Библиез лыдӟиды ке, лыдӟемды вылын малпаськиды ке но сое улонады пыртӥды ке, улон сюресты азинлыко мыноз (Иисус Навин 1:8; Псалтирь 1:1—3). Озьы ик тӥ умойгес тододы Инмарез но солэсь Пизэ, Иисус Христосэз. Нош соос сярысь тодыса, тӥ утиськыны быгатоды (Иоанн 17:3).

Кызьы Библиез лыдӟыны луоз? Пӧртэм амалъёс вань. Библиез лыдӟон график юрттоз тӥледлы Библиез кутсконысеныз пумозяз лыдӟыны яке темаосъя. Кылсярысь, тӥ быгатоды лыдӟыны со люкетъёсты, кудъёсаз верамын Инмарлэн но вашкала израиль калыклэн кусыпъёссы сярысь. Мукет люкетъёсысь тодыны луоз христиан кенешлэн нырысетӥ даурын кылдэмез но будэмез сярысь. Котькуд нунал сётэм люкетъёсты лыдӟиды ке, ар куспын быдэс Библиез лыдӟыса быдтоды.

Тӥ Библиез али гинэ лыдӟыны кутскиськоды ке, яке тӥ ужпум кутӥды сое котькуд нунал лыдӟыны, яке тӥляд сое ар куспын лыдӟыса быдтэмды потэ, та график юрттоз тӥледлы. Скачать каре Библиез лыдӟон графикез, кудзэ печатланы но луоз, но туннэ ик ини Библиез лыдӟыны кутске.