قۇ‌ياش بولمىسا،‏ يە‌ردىكى ھاياتلىقنىڭ قانداق بولىدىغانلىقىنى تە‌سە‌ۋۋۇ‌ر قىلالامىسز؟‏ قۇ‌ياش نۇ‌رى دە‌ل-‏دە‌رە‌خلە‌ر،‏ گۈل-‏گىياھلار،‏ مېۋىلە‌ر ۋە ئۇ‌رۇ‌قلارنىڭ ئۆسۈشى ئۈچۈن كۈچ-‏قۇ‌ۋۋە‌ت بېرىدۇ.‏ يە‌نە قوياش نۇ‌رى تە‌سىرىدە،‏ دە‌رە‌خلە‌رنىڭ يىلتىزلىرى سۇ‌نى تۇ‌پراقتىن ئۆزىگە تارتىپ،‏ ھە‌ر بىر يوپۇ‌رماققا يە‌تكۈزۈپ بېرىدۇ ۋە كېيىن شۇ سۇ ھورغا ئايلىنىپ،‏ ئاتموسفېراغا تارقىلىپ كېتىدۇ.‏

يامغۇ‌ر ئاللانىڭ بە‌رگە‌ن سوۋغىتى.‏ ئۇ يامغۇ‌ر ئارقىلىق يە‌ردە ئوزۇ‌ق-‏تۈلۈكلە‌رنى ئۆستۈرىدۇ.‏ مېھىر-‏شە‌پقە‌تلىك ئىگىمىز ئاسماندىن يامغۇ‌ر ياغدۇ‌رۇ‌پ،‏ زېمىن مول ھوسۇ‌لغا تولدۇ‌رغاندا،‏ تۈرلۈك ئوزۇ‌ق-‏تۈلۈكلە‌رنىڭ كۆپلىكىدىن قە‌لبىمىز شات-‏خوراملىققا چۆمدۈ.‏

نۇ‌رغۇ‌ن ئائىلە باشلىقلىرى ئائىلىسىدىكىلە‌رنىڭ كىيىمى پۈتۈن،‏ قوسىقى توق بولۇ‌شى ئۈچۈن تە‌ر تۆكۈپ ئە‌مگە‌ك قىلىدۇ.‏ مۇ‌قە‌ددە‌س يازمىلاردا:‏ «كۆكتىكى قۇ‌شلارنى دىققە‌ت بىلە‌ن كۆزىتىڭلار.‏ ئۇ‌لار ئۇ‌رۇ‌ق چاچمايدۇ،‏ ھوسۇ‌ل يىغمايدۇ ۋە ئامبارغا توپلىمايدۇ.‏ شۇ‌نداق بولسىمۇ،‏ ئاسماندىكى ئاتاڭلار ئۇ‌لارنى تويغۇ‌زىدۇ.‏ سىلە‌ر ئاشۇ قۇ‌شلاردىن كۆپ ئە‌زىز ئە‌مە‌سمۇ؟‏»،‏—‏ دە‌پ يېزىلغان.‏—‏مە‌تتا 6:‏25،‏ 26‏.‏

‏«دالادا ئۆسۈۋاتقان ياۋا گۈللە‌رگە قاراپ،‏ ئىبرە‌ت ئېلىڭلار؛‏ ئۇ‌لار ئىشلىمە‌يدۇ ياكى يىپ ئېگىرىپ تىكمە‌يدۇ.‏ لېكىن،‏ سىلە‌رگە شۇ‌نى ئېيتايكى،‏ ھە‌تتا پادىشاھ سۇ‌لايمان ئە‌ڭ زور شان-‏شۆھرە‌ت قازانغان زاماندا ھە‌م شۇ ياۋا گۈللە‌رنىڭ بىرىدە‌ك كىيىنگە‌ن ئە‌مە‌س.‏ ئە‌گە‌ر خۇ‌دا دالىدىكى بۈگۈنى بار،‏ ئە‌تىسى ئوچاقتىكى ئوتقا تاشلىنىدىغان ئوت-‏چۆپنى شۇ‌نداق كىيىندۈرگە‌ن بولسا،‏ سىلە‌رنى ئۇ‌نىڭدىنمۇ ئارتۇ‌قراق كىيىندۈرمە‌سمۇ؟‏».‏—‏مە‌تتا 6:‏28—‏30‏.‏

ئە‌گە‌ر رە‌ھىم-‏شە‌پقە‌تلىك ئاللا بىزنى يېمە‌ك-‏ئىچمە‌ك ۋە كىيىم-‏كېچە‌ك بىلە‌ن تە‌مىنلىسە،‏ ئۇ بىزنى باشقا كۈندىلىك تۇ‌رمۇ‌شىمىزدىكى كېرە‌كلىك نە‌رسىلە‌ر بىلە‌نمۇ چوقۇ‌م تە‌مىنلىمە‌سمۇ؟‏!‏ شۇ‌ڭا،‏ ئاللانىڭ ئىرادىسىنى بىرىنچى ئورۇ‌نغا قويساق،‏ دېھقانچىلىق ئىشلىرىدا تۆككە‌ن قان-‏تە‌رىمىزنى بە‌رىكە‌تلە‌يدۇ ياكى جان بېقىش ئۈچۈن ئىش تېپىشىمىزغا ياردە‌م بېرىدۇ.‏—‏مە‌تتا 6:‏32،‏ 33‏.‏

شە‌ك-‏شۈبھىسىزكى،‏ قۇ‌ياش،‏ يامغۇ‌ر،‏ قۇ‌شلار ۋە گۈللە‌ر توغرىسىدا ئويلانغاندا،‏ ياراتقۇ‌چىغا مىننە‌تدارلىق بىلدۈرۈش ئۈچۈن نۇ‌رغۇ‌ن سە‌ۋە‌بلە‌رنىڭ بارلىقىنى چۈشىنىمىز.‏