Olosamo 68:1-35
Kusongui wolonjimbi. Osamo ya Daviti. Ocisungo.
68 Suku a katuke, ovanyãli vaye va sanduiwe,Kuenda vana vo nyãle va tile kovaso aye.+
2 Ndeci ofela yambata owisi, ove va lupuisavo;Ndeci osela yi yenguluka kovaso yondalu,Olondingaĩvi vi kunduiwe kovaso a Suku.+
3 Pole, vakuesunga va sanjuke;+Ovo va sanjukile kovaso a Suku;Va yolele lesanju.
4 Imbili Suku ovisungo; imbili onduko yaye ovisungo viesivayo.*+
Imbili ovisungo ku Una o pita katapi ekalasoko.*
Yehova oyo onduko yaye!+ Sanjukili kovaso aye!
5 Suku kocitumãlo caye ci kolaEye Isia ya vana ka va kuete isia kuenda ociteyuilo*+ covimbumba.+
6 Suku eca onjo ku vana va kasi ulika oco va kalemo;+Eye o yovola olomandekua kuenda o vi lingisa olohuasi.+
Pole, vakuesino va sesamẽla oku kala vofeka yimue yekango.+
7 A Suku eci wa songuila* omanu vove,+Eci wa pita vekalasoko, (Sela)
8 Ilu lieve lia luluma;+Ilu lia lokisa* ombela omo lia Suku;Omunda Sinai ya luluma omo lia Suku, Suku ya Isareli.+
9 Ove wa lingisa okuti oyo yi loka calua, A Suku;Ove wa kavuluisa omanu vove* va kavele.
10 Ovo va tunga volombalaka viove;+A Suku vuwa wove, wa tekula ohukũi.
11 Yehova eca ocihandeleko;Akãi va sapula olondaka viwa, olohoka vinene.+
12 Olosoma lolohoka viavo vi tila,+ ovio vi tila!
Ukãi una o siala konjo, o tambula onepa yimue kovina via pundiwa.+
13 Ndaño okuti ene wa pekeli pokati koviyokola viovilombo,*Ku ka kala avava opomba a lañiwa lopalata,Lovonya wulu wa fina.
14 Eci Ukuonene Wosi a sandola olosoma viofeka yaco,*+Ko Salimone kua loka ocikokoto.*
15 Omunda yo Basiane,+ oyo omunda ya Suku;Omunda yo Basiane yi kuete ovitumãlo vialua vialepa.
16 A munda yi kuete ovitumãlo vialua via lepa, momo lie o vanjela lonya,Komunda Suku a nõla* oco a kaleko?+
Pole, Yehova o ka kalako otembo ka yi pui.+
17 Akãlu wuyaki a Suku, a soka olohulukãi vialua, olohulukãi lolohulukãi.+
Yehova weya kocitumãlo ci kola oku tunda ko Sinai.+
18 Ove wa londa kocitumãlo ca lepa;+Wambata olomandekua;Ove wa tambula alume vana va linga olombanjaile,+Ocili, ndaño muẽle vana va tĩlisa ovitima viavo oco okuti, ove o tunga pokati kavo,+ A Yehova Suku.
19 Yehova a sivayiwe una ambata ocilemo cetu eteke leteke,+Suku yocili okuti eye epopelo lietu. (Sela)
20 Suku yocili kokuetu, o Suku yimue yi popela;+Kuenda Ñala Tõlo Yehova, o yovola kolofa.+
21 Ocili, Suku o ka nyanyõla ovitue viovanyãli vaye,O ka nyanyõla ekõlõkõlo liomunu wosi amamako oku linga ekandu.*+
22 Yehova wa popia hati: “Ame ndi ka vopa ko Basiane;+Ame ndi ka vopa valondo okalunga,
23 Oco okuti omãhi yove yi liata kosonde yovanyãli vove+Kuenda elimi liolombua viove li lesa kosonde yavo.”
24 A Suku, ovo va mõla oku iñila kuove kueyulo,Oku iñila kua Suku yange, Soma yange, vocitumãlo ci kola.+
25 Olonjimbi vi pita kovaso, vakuakusika va kuama konyima yavo loku sika ovikuata viovisikilo via pangiwa lovikolo;+Pokati kavo pali amalẽhe akãi va sika olopandelu.+
26 Sivayi Suku vekongelo linene;*Sivayi Yehova ene wa tundi Kono ya Isareli.+
27 Benjamini+ okuti umalẽhe o pokuisa omanu,Kumue lolombuale via Yuda lowiñi wavo wa kala oku kaluka,Lolombuale via Sevulono kuenda olombuale via Nafitali.
28 Suku yove wa handeleka okuti, ove o ka pama.
Lekisa ongusu yove, A Suku, ndeci wa siata oku linga kokuetu.+
29 Omo lionembele yove ko Yerusalãi,+Olosoma vi ka nena olombanjaile kokuove.+
30 Lemẽla ovinyama via tunga pokati kolondeya,Ocimunga colongombe+ lolonãle vialio,Toke eci omanu va kekama loku nena* olosiekele viopalata.
Pole, eye o sandola omanu vana va sanjukila uyaki.
31 Kegito ku ka tunda ovikuata viosipi;*+Kusi o ka yayulako oku eca olombanjaile ku Suku.
32 Ene avoviali o kilu lieve, imbili Suku ovisungo,+Imbili Yehova ovisungo viesivayo,* (Sela)
33 Una endela kilu liovailu o kosimbu.+
Tala! Eye o lemĩla londaka yaye, ondaka yaye ya pama.
34 Limbuki ongusu ya Suku.+
Ulamba waye u kasi ku Isareli,Kuenda ongusu yaye yi kasi kilu.*
35 Suku o komõhisa oku upisa kocitumãlo caye* ci kola culamba.+
Eye Suku ya Isareli,Una eca ongusu lunene komanu.+
Suku a sivayiwe.
Atosi Pombuelo
^ Ale “oku linga ovisungo.”
^ Ale pamue, “valende.”
^ Lit., “onganji.”
^ Lit., “wa tunda kovaso.”
^ Lit., “lia tosa.”
^ Lit., “ocipiñalo cove.”
^ Ale pamue, “koviunda violomeme.”
^ Lit., “olosoma via kalako.”
^ Ale “Ca kala ndu okuti ko Salimone kua loka ocikokoto.”
^ Ale “yina Suku a livela.” Okuti Omunda Siono.
^ Lit., “amamako veko liaye.”
^ Lit., “Volohongele.”
^ Ale pamue, “va liatela.”
^ Ale pamue, “Ku ka tunda olomunga.”
^ Ale “Oku linga ovisungo.”
^ Lit., “kalende.”
^ Lit., “cove.”
