Olosapo 16:1-33
16 Omunu o sokiya ovisimĩlo viutima waye,*Pole, etambululo eye a eca,* li tunda ku Yehova.+
2 Omunu o sima okuti olonjila viaye viosi via sunguluka,*+Pole, Yehova o kũlĩhĩsa ovisimĩlo.+
3 Ovina viosi ove o linga vi eca peka lia Yehova,*+Kuenje asokiyo ove a ka kuata onima yiwa.
4 Yehova o talavaya lovina viosi oco ocipango caye ci lingiwe,Kuenda o ka likapelako okuti olondingaĩvi vi nyõliwa.+
5 Wosi ukuotima wepela onyãliwe la Yehova.+
Kolela okuti eye ka ka pumba oku yambuiwa.
6 Mekonda liocisola ka ci pongoloka kuenda ekolelo, akulueya a ecelua,+Kuenje omo lioku sumbila Yehova omunu o tinduka kũvi.+
7 Eci Yehova a sanjukila olonjila viomunu umue,Eye o lingisa okuti, ndaño muẽle ovanyãli vomunu waco va kala lombembua laye.+
8 Ca velapo oku kuata citito, pole, o linga eci ca sunguluka,+Oku kuata calua, pole, o linga eci ka ca sungulukile ci sule.+
9 Omunu o pondola oku sokiya vutima waye onjila a kuama,Pole, Yehova eye o songuila olomãhi viaye.+
10 Soma o sukila oku vangula ocisimĩlo ca Suku;+Eye o sukila oku yuvula oku sombisa lekambo liesunga.+
11 Olombalãsa viocili lomesaliso, via tiamẽla ku Yehova;Ovilemo viosi vi kasi vonjeke via pangiwa laye.+
12 Ovilinga vĩvi vi suvukiwa lolosoma,+Momo ocalo ci tumbikiwa omo liesunga.+
13 Ombangulo ya sunguluka yi sanjuisa olosoma.
Ovio vi sole omunu o vangula ocili.+
14 Onyeño ya soma yi kasi ndomunga yimue yokufa,+Pole, omunu ukualondunge o yi tulumũla.*+
15 Vocinyi cocipala ca soma, muli omuenyo;Ohenda yaye yi kasi ndelende liombela votembo yonjovo.+
16 Ca velapo vali oku kuata olondunge okuti, ulu ci sule!+
Oku kuata elomboloko oco ca velapo, oku kuata opalata ci sule.+
17 Onjila yomunu wa suñama yi yuvula eci cĩvi.
Wosi o lava onjila yaye o teyuila omuenyo waye.+
18 Epela li tuala koku kupuka,Kuenda utima woku lipanda u tuala koku lilondoka.+
19 Ca velapo oku kala pokati kambombe loku setukula ocituwa cavo,+Oku litepela ovina via pundiwa kumosi la vakuakulipanda ci sule.
20 Wosi o lekisa olondunge kocitangi cimue, o ka litunda ciwa,*Kuenda wa sumũlũha omunu o kolela ku Yehova.
21 Omunu o kuete utima wolondunge o ka tukuiwa hati, ukuelomboloko,+Kuenda una okuti ombangulo yaye yiwa* o kuete uloño woku vetiya.+
22 Olondunge ovio ono yomuenyo ku vana va vi kuete,Pole, aveke va yambuiwa luveke wavo muẽle.
23 Omunu ukualondunge o nõla lutate olondaka viaye,+Kuenda oku vangula kuaye ku vetiya.
24 Olondaka vi sanjuisa vi kasi ndasĩla owiki,Okuti vi sõsã kutima kuenda vi kolisa akepa.+
25 Kuli onjila yimue yi molẽha okuti, ya sunguluka komunu,Pole, kesulilo yi songuila kolofa.+
26 Onjongole yonalavayi, yu kokisa oku talavaya calua
Momo onjala* yaye yu vetiya oku ci linga.+
27 Omunu ka silivila o sokiya eci cĩvi;+Olondaka viaye vi kasi ndondalu yi nyõla elisi.+
28 Ukuambuanja* o koka ema,+Kuenda ukualundi o tepa akamba vocili.+
29 Omunu ongangala o yonja una a lisungue layeKuenda u songuila vonjila yĩvi.
30 Eye o pakola lovaso aye eci a sokiya oku linga cĩvi.
Eye o munĩha omẽla waye eci a linga evĩho.
31 Owele ekolowa lieposo*+Nda u sangiwa vonjila yesunga.+
32 Omunu o livala konyeño+ wa velapo okuti ulume wa pama o sule,Kuenda una o likandangiya wa velapo okuti, una o tambula olupale lumue o sule.+
33 Osande yi imbiwa kuwalo,+Pole, onjila yosi yi kuamiwa yi tunda ku Yehova.+
Atosi Pombuelo
^ Ale “etambululo lia suapo.” Lit., “etambululo lielimi.”
^ Lit., “Asokiyo o vutima a tiamẽla komunu umue.”
^ Lit., “vi yela.”
^ Lit., “Kundika ku Yehova ovopange ove.”
^ Ale “o yi yuvula.”
^ Lit., “uwa.”
^ Ale “Olondaka viaye via posoka.”
^ Lit., “omẽla.”
^ Ale “Ocimbinde.”
^ Ale “liulamba.”
