Apulilo Embimbiliya a Tambuluiwa
Ci tava hẽ oku kala voluali lumue okuti ka muli uhukũi?
Suku o ka nena ndati oluali lumue okuti ka mu ka kala vali uhukũi? Mateo 6:9, 10.
Uhukũi wa siata uku ponda omanu valua omo lionjala, kuenda ovovei. Ndaño okuti kolofeka vialua kuli ovokuasi pole onepa yalua yomanu, olohũkũi. Embimbiliya li lekisa okuti uhũkũi wa siata oku nena ovitangi vialua komanu.—Tanga Yoano 12:8.
Oco uhukũi u maliweko, ci sukila uviali umue ukuete unene woku eca lesunga ovina viosi omanu va sukila. Uviali waco u ka malakovo ovoyaki okuti olonjanja vialua a siata oku koka uhukũi. Suku wa likuminya oku nena uviali waco.—Tanga Daniele 2:44.
Helie o pondola oku malako uhukũi?
Suku wa nola omolaye Yesu oco a viale omanu vosi. (Osamo 2:4-8) Yesu o popela osuke kuenda o ka mãlako undiandia lungangala.—Tanga Osamo 72:8, 12-14.
Ndomo ca lekisiwa, Yesu “Soma yombembua,” o ka tumbika ombembua kuenda oku kolapo. Omanu vosi vongongo va ka kuata olonjo viavo loku sanjukila upange wavo kuenda va ka kuata okulia kualua. —Tanga Isaya 9:6, 7; 65:21-23.
Ove o ka ci Sola
UTALA WONDAVULULI
Nye Yesu a ka Linga Kovaso Yoloneke?
Yesu o kasi oku talavaya oco a nene ombembua palo.
APULILO ATAMBULUIWA LEMBIMBILIYA
Usoma wa Suku u ka Linga Nye?
Kũlĩha eci o pondola oku tambula eci uviali wa Suku u ka viala ilu lieve.
