Onjivaluko Yolofa Via Yesu
Casapalo, keteke 24 ya Kupupu 2025
Onjanja yimosi vunyamo, Olombangi Via Yehova via siata oku linga ocipito conjivaluko violofa via Yesu ndeci eye a handeleka hati: “Ci lingaili onjivaluko yange.”—Luka 22:19.
Tu ku laleka oco o kale kocipito caco.
Apulilo a Siata Oku Lingiwa
Ohongele yaco yi tumãla otembo yiñami?
Yi tumãla owola yimosi.
Kocitumãlo cipi ohongele yaco yi ka lingiwila?
Sandiliya Olombangi Via Yehova oco vi ku lomboluile ocitumãlo ku ka lingiwila ohongele yaco.
Ndi sukila hẽ oku feta olombongo oco ndi kale kohongele yaco?
Sio.
Ku ka konguiwa hẽ olombongo?
Sio.
Ndaño okuti kocipito caco ka ku waliwa uwalo umue u likasi, Olombangi Via Yehova vi likolisilako oku kapako elungulo Liembimbiliya lioku lekisa esunguluko kuenda esumbilo koku wala. (1 Timoteo 2:9) Ka ci sukila okuti o wala uwalo umue wa tĩla calua ale wa kemãla.
Nye ci ka lingiwa kocipito Conjivaluko?
Ohongele yaco yi fetika locisungo cimue, loku sulila locisungo cimue kuenda ohutililo yi lingiwa Lombangi yimue ya Yehova. Onepa ya velapo yocipito Conjivaluko, ohundo yi lombolola esilivilo liolofa via Yesu kuenda ndomo tu kuatisiwa leci Suku la Kristu va tu lingila.
Oco o kũlĩhe ovina vikuavo, tanga ocipama “Momo Lie Olombangi Via Yehova vi Lingila Ocipito Condalelo ya Ñala Lonjila ya Litepa Latavo Akuavo?”
Eteke lipi ku ka lingiwa Ocipito Conjivaluko kanyamo akuãimo?
2025: Casapalo, 12 ya Kupupu
2026: Votãlo, 2 ya Kupupu
Ove o ka ci Sola
ONJIVALUKO
Ocipito Conjivaluko Violofa Via Yesu
Tu ku laleka oco o kale letu kocipito conjivaluko violofa via Yesu oco o mole ndomo eye a va handelekele. Lilongisa ndomo omuenyo wa Yesu kuenda olofa viaye vi ku kuatisa.
ESSENTIAL BIBLE TEACHINGS
Momo Lie Yesu a Fila?
Embimbiliya li lombolola esilivilo liolofa via Yesu. Anga hẽ olofa viaye via kuata ocimãho?