OLOMBANGI VIA YEHOVA volupale luo Saponara, kofeka yo Sicília, via tambula ocicapa cimue conjinvaluko omo lioku eca ekuatiso noke lioku pita endunde limue liovava volupale luaco.

Keteke 22 kosãi ya Kuvala wo 2011, endunde liovava lia nyõla alupale amue kuenda ovambo o ko Messina, kofeka yo Sicília. Vuteke waco, volupale luo Saponara, ukuenje umue kuenda alume vavali va fa omo liendunde liaco.

Noke liocilunga caco, Olombangi Via Yehova via sokiya ocimunga cimue va lieca olumue lovimãlẽho vioku upa olonata kuenda oku kapa eseke oco va lembike kovitumãlo kua pita endunde liaco.

Ovimunga viaco via talavayela kumosi lovisoko viombiali kuenda via kuatisa kovitumãlo pa kala esukila. Ovo va amamako oku talavaya ndaño noke liocilunga caco. Ci soka 50 toke 80 Kolombangi Via Yehova va panga onepa kupange waco oku kongelamo vamue va tunda kovitumãlo vikuavo okuti va enda eci ci soka 97 kolokilometulu.

Omanu valua va kala volupale luaco, va eca olopandu Kolombangi Via Yehova. Ombiali yolupale luaco ya popia olonjanja vialua hati: “Ene vungangu yimue yiwa!”

Noke yolosãi vitãlo, Oñuatisi yombiali o tukuiwa hati, Fabio Vinci vonduko yombiali yolupale, wa eca ocicapa cimue conjivaluko kekongelo Liolombangi Via Yehova li kasi volupale luaco.