Alitalatu a Lekisa o Wallkill 1 (Kupemba toke Enyenye 2014)
Olombangi via Yehova vi kasi oku tunga ombala yavo ko Warwick, Nova York. Tunde kosãi ya Kupemba toke Yenyenye wo 2014, kua tungiwa ocitumãlo coku semulula akãlu, oloseketa viasongui, oloseketa viupange kuenda olosapalalo violohondo C kuenda D. Alitalatu a kuãimo a lekisa upange wa lingiwa vokuenda kuotembo yaco.
Oku upisa kilu, konele yondio:
Ocitumãlo coku semulula akãlu
Ocitumãlo vana va nyula va pondola oku kapa akãlu avo
Ocitumãlo coku semulula akãlu/loku kapa akãlu a vana va kasi ko Betele
Osapalalo B
Osapalalo D
Osapalalo C
Osapalalo A
Oloseketa Viasongui/Osapalalo Viupange
1.° ya Kupemba wo 2014—pocitumãlo va kasi oku tungila ko Warwick
Onele yombuelo pocitumãlo va kasi oku tungila konele yociva Sterling Forest. Kovaso, ocitumãlo va kasi oku tungila Osapalalo D. Ocipepi lociva, ovimano viosimentu via pongiyiwa oco va tunge Osapalalo C.
14 ya Kupemba wo 2014—Ocitumãlo coku panga ovina vi sukiliwa ocipãla lapa va kasi oku tungila
Olonalavayi vi kasi oku tunga okalete konepa yimue yosapalalo. Vupange waco mua kongela oku kapa utale, ovimano, alove ovava, olofiyu violusu, yipapa fela kuenda okalete. Noke yoku mala oku tunga okalete vosapalalo, ku lingiwa ovopange akuavo oku malusula.
22 ya Kupemba, wo 2014—Ocitumãlo Coku Semulula Akãlu
Vamanji va kasi oku fẽla oco va kape alove ovava. Vokuenda kupange, ocitumãlo eci ci ka kala okusinya mu ka tumãla ci soka 500 kolonalavayi, kuenda onepa yikuavo yosapalalo mu ka kala eci ci soka 300 komanu. Kesulilo liupange woku tunga, olokusinya viaco vi ka nyõliwa kuenda osapalalo yaco yi ka kala ocitumãlo coku semulula akãlu.
2 Yevambi, wo 2014 — Ocitumãlo Coku Semulula Akãlu
Ocimunga cimue colonalavayi ci kasi oku kapa eve limue li likasi kilu lionjo oco va tuikeko olonelẽho. Olonelẽho viaco via li tepa vi kuatisa oku tepulula owuya vokati, ovitangi viya omo liombela kuenda vi tutuiya elemba li pondola oku vĩhisa ofela.
5 Yevambi, wo 2014—Oloseketa Via Songui/Oloseketa Viupange
Pocitumãlo caco pa tungiwa olosapalalo vitatu. Velitalatu, olonalavayi vi kasi oku kapa yitale vioku panga olongunji.
18 Yevambi, wo 2014—Ocitumãlo Coku Semulula Akãlu
Olonalavayi vi kasi oku talavaya locimalẽho coku tokeka atelha ekatalãu. Va likuta ovikolo oco ka va ka kupuke.
24 Yevambi, wo 2014—Osapalalo C
Oku kapiwa kualove kuenda ovipapafela. Ci soka 35 koloporsendu Violombangi Via Yehova vi kasi oku talavaya kupange woku tunga ko Warwick, akãi.
11 Yevambi, wo 2014—ko Montgomery, Nova York
Osapalalo yaco ya linga ocitumãlo coku kapa ovimãleho via pangiwa kuenda ca landiwa kosaĩ ya Kayovo wunyamo wo 2014. Osapalalo yaco yi kuete 20.000 kolometulu. Ovina vi yela vi moleha konele yondio, ovitumãlo vioku yuila via pangiwa oco vi tumiwe oku vi ka kapiwa.
24 Yevambi Linene, 2014—Osapalalo C
Onepa yokonano yosapalalo. Osapalalo yaco mu ka kala eci ci soka 200 ya vamanji va talavaya kombala Yolombangi Via Yehova. Vialua pokati kolohondo vi ka kuata 30 kuenda 55 kolometulu kuadrado kuenda vi ka kuata okusinya, okalete kuenda ocivembele conjo ci celela oku tala kosamua.
25 Yevambi Linene, wo 2014—Ocitumãlo Coku Semulula Akãlu/Loku Kapa Akãlu a Vana va Kasi ko Betele
Oku pongiya ocitumãlo va kasi oku tungila. Konele yepĩli, omakina yi kasi oku tetula ovawe oco va tunge la-o. Toke kesulilo liupange woku tunga, ci soka 260 kolohulukãi yolokubiko vieve, vi kopiwa pocitumãlo va kasi oku tungila ko Warwick. Vokuenda kueteke va talavaya leci ci soka 23 kakãlu a tuta eve.
30 Yevambi Linene, wo 2014—Ocitumãlo Coku Semulula Akãlu
Owangu u kasi oku tuikiwa kilu lionjo.
8 Yenyenye, wo 2014—Ocitumãlo va Kasi Oku Tungila ko Warwick
Elitalatu li lekisa onele yombuelo okuti liopiwa lomunu wa kala kilu liomakina yimue. Vombuelo, osapalalo yolosekata yi kasi oku tungiwa. Kepĩli, ocitumãlo omanu vana va nyula va pondola oku kapa akãlu avo okuti ya maliwa ale. Oloneke viosi pocitumãlo caco peyuka akãlu olonalavayi. Olombangi vimue Via Yehova va enda eci ci soka 12 kowola oco vi ka kuatise kupange vokuenda kuoloneke vitatu ale vikuãla.
13 Yenyenye, wo 2014—Ocitumãlo Coku Semulula Akãlu
Ocitumãlo ci ka kala okusinya kuolonalavayi vokuenda kuotembo yimue. Lekuatiso lio televisãu, okuti (ka via kapiwile handi) kuenda anguena, ci ka ecelela okuti olonalavayi vi kuama efendelo liomẽle kuenda ovipama vikuavo vi li lingiwa kombala ko Estados Unidos.
14 Yenyenye, wo, 2014—Oloseketa Via Songui/Oloseketa Viupange
Va kasi oku kapa onata yosimendu konepa yatete yosapalalo. Konele yondio, onalavayi yimue yi kasi talavaya lomakina yoku tenga onata oco yi li kuate ciwa lutale.
14 Yenyenye, 2014—Oloseketa Via Songui/Oloseketa Viupange
Alove a kasi oku kapiwa posi, okuti kua kamba lika oku a sitika lonata yosimendu.
14 Yenyenye, wo 2014—Oloseketa Via Songui/Oloseketa Viupange
Va kasi oku malusula oku kapa onata yosimendu konepa yatete yosapalalo. Onepa eyi oyo ya kapiwa onata yalua yosimendu kupange woku tunga ko Warwick, ci soka 540 kolometulu kubiko. Onata yaco ya pangiwila pocitumãlo va kasi oku tungila kuenda ya tutiwa lakãlu a soka ecelãla. Upange waco wa lingiwa vokuenda kuolowola vitãlo lakukutu akũi atatu lekuatiso liolombomba vivali. Vocakati mu sangiwa ocimbaka muli olosikata vioku londa kosapalalo.
14 Yenyenye, wo 2014—Osapalalo C
Oku tungiwa kuocimbaka kolusoka luonjo. Konele yikuavo va kasi oku tunga osapalalo A.
15 Yenyenye, 2014—Osapalalo C
Onepa yimue yokalete yi kasi oku katuiwa lomakina oco yi kapiwe kosapalalo yatatu. Kupange woku tunga ko Warwick va talavaya lovimãleho vialua via pangiwa ale oco ka ku kale olonalavayi vialua kuenda ca ecelela okuti upange u lingiwa lonjanga.
20 Yenyenye, wo 2014—Osapalalo C
Olonalavayi vi kasi oku kapa ovimano via pangiwa okuti vi kuatisa oku tetẽlela olusu. Ovimano viaco noke yoku kapiwa, ka vi sukila oku vi pindala ale oku vi semulula olonjanja vialua. Ovimano viaco ca leluka oku vi kapa kuenda ci kuatisa oku mala lonjanga upange.
31 Yenyenye, 2014—Ocitumãlo va Kasi Oku Tungila ko Warwick
Onepa yonele yombuelo. Kovaso, ovimano vi kasi oku kapiwa oco kutungiwe osapalalo D. Konyima onepa yosapalalo C okuti, yi kasi oku maliwa.
Ove o ka ci Sola
UPANGE WOKU TUNGA
Alitalatu a Lekisa o Wallkill 2 (Enyenye Linene toke Cembanima wo 2014)
Upange woku tunga ombala yokaliye Yolombangi Via Yehova u kasi oku lingiwa. Toke cilo ci soka 13 kolomakina via talavaya velivala limuamue!
UPANGE WOKU TUNGA
Upange Woku tunga Ombala Yokaliye Yolombangi Via Yehova Voluali Luosi ko Warwick (Onepa 2)
Vamanji valieca olumue va tunda kolonepa via litepa kuenda va talavayela kumosi poku tunga ombala Yolombangi Via Yehova voluali.