زبور 140:1-13
موسیقار کے لیے۔ داؤد کا نغمہ۔
140 اَے یہوواہ! مجھے بُرے لوگوں سے بچا؛ظالم لوگوں سے میری حفاظت کر،
2 ہاں، اُن سے جو اپنے دلوں میں بُرے منصوبے گھڑتے ہیںاور سارا دن لڑائی جھگڑا چھیڑتے ہیں۔
3 وہ اپنی زبان سانپ کی طرح تیز کرتے ہیں؛اُن کے ہونٹوں کے پیچھے زہریلے سانپوں کا زہر ہے۔ (سِلاہ)
4 اَے یہوواہ! مجھے بُرے لوگوں کے ہاتھوں سے محفوظ رکھ؛ظالم لوگوں سے میری حفاظت کر،ہاں، اُن سے جو مجھے گِرانے کی سازش کرتے ہیں۔
5 مغرور لوگوں نے میرے لیے پھندا چھپایا ہے؛اُنہوں نے راستے میں رسیوں کا جال بچھایا ہے۔
اُنہوں نے میرے لیے پھندے لگائے ہیں۔ (سِلاہ)
6 مَیں یہوواہ سے کہتا ہوں: ”تُو میرا خدا ہے۔
اَے یہوواہ! مدد کے لیے میری اِلتجائیں سُن۔“
7 اَے حاکمِاعلیٰ یہوواہ! میرے طاقتور نجاتدہندہ!تُو جنگ کے دن میرے سر کی حفاظت کرتا ہے۔
8 اَے یہوواہ! بُرے لوگوں کی خواہشیں پوری نہ ہونے دے۔
اُن کے منصوبوں کو کامیاب نہ ہونے دے تاکہ وہ غرور سے نہ بھر جائیں۔ (سِلاہ)
9 جن لوگوں نے مجھے گھیرا ہوا ہے،اُن کے مُنہ سے نکلنے والی بُری باتیں اُن ہی کے سر آ پڑیں۔
10 اُن پر جلتے کوئلے برسیں۔
اُنہیں آگ میں جھونک دیا جائے؛اُنہیں گہرے گڑھوں* میں پھینکا جائے جہاں سے وہ کبھی نکل نہ سکیں۔
11 دوسروں کو بدنام کرنے والے کو زمین پر* کہیں جگہ نہ ملے۔
بُرائی ظالم لوگوں کا پیچھا کرے اور اُنہیں مار ڈالے۔
12 مَیں جانتا ہوں کہ یہوواہ ادنیٰ لوگوں کا دِفاع کرے گااور غریبوں کو اِنصاف دِلائے گا۔
13 بےشک نیک لوگ تیرے نام کی تعریف کریں گے؛سیدھی راہ پر چلنے والے تیرے حضور* بسیں گے۔
