زبور 2:1-12
2 قومیں طیش میں کیوں ہیںاور لوگ فضول باتوں پر دھیان کیوں دے رہے ہیں؟*
2 زمین کے بادشاہ مقابلے کے لیے تیار ہو گئے ہیںاور حکمران متحد ہو کر* یہوواہ اور اُس کے مسیح کے خلاف جمع ہو گئے ہیں۔
3 وہ کہتے ہیں: ”آؤ ہم اُن کی پہنائی ہوئی زنجیریں توڑ ڈالیںاور اُن کی باندھی ہوئی رسیاں اُتار پھینکیں۔“
4 وہ جو آسمان پر تختنشین ہے، ہنسے گا؛یہوواہ اُن کا مذاق اُڑائے گا۔
5 اُس وقت وہ غصے میں اُن پر برس پڑے گااور اپنے شدید قہر سے اُن پر دہشت طاری کر دے گا
6 اور کہے گا: ”مَیں نے خود اپنے مُقدس پہاڑ صِیّون پراپنے چُنے ہوئے بادشاہ کو تخت پر بٹھایا ہے۔“
7 مَیں یہوواہ کے فرمان کا اِعلان کروں گا؛اُس نے مجھ سے کہا: ”تُم میرے بیٹے ہو؛آج سے مَیں تمہارا باپ ہوں۔
8 مجھ سے مانگو اور مَیں تمہیں وراثت میں قومیں دوں گااور پوری زمین کو تمہاری ملکیت بنا دوں گا۔
9 تُم اُنہیں لوہے کے عصا سے توڑ دو گےاور مٹی کے برتن کے ٹکڑے کی طرح چکناچُور کر دو گے۔“
10 اِس لیے بادشاہو! گہری سمجھ سے کام لو؛زمین کے منصفو! اِصلاح کو قبول کرو۔*
11 یہوواہ کا خوف رکھتے ہوئے اُس کی خدمت کرواور اُس کا گہرا احترام کرتے ہوئے* خوشی مناؤ۔
12 بیٹے کی تعظیم کرو* ورنہ خدا* غصے میں آ جائے گااور تُم نیکی کی راہ سے مٹ جاؤ گےکیونکہ اُس کا غصہ فوراً بھڑک اُٹھتا ہے۔
وہ سب خوش رہتے ہیں جو اُس کے پاس پناہ لیتے ہیں۔
فٹ نوٹس
^ یا ”فضول باتیں کیوں بڑبڑا رہے ہیں؟“
^ یا ”آپس میں صلاح مشورہ کر کے“
^ یا ”خبردار ہو جاؤ۔“
^ لفظی ترجمہ: ”اور کانپتے ہوئے“
^ لفظی ترجمہ: ”بیٹے کو چُومو“
^ لفظی ترجمہ: ”وہ“
