Юҳанно олган ваҳий 20:1–15
20 Бундан сўнг осмондан бир фаришта тушаётганини кўрдим. Унинг қўлида тубсизликнинг калити+ ва катта занжир бор эди.
2 Фаришта аждаҳони+, яъни Иблис+ ва Шайтон+ деб аталмиш алмисоқ илонни+ тутиб, уни 1 000 йилга кишанлаб қўйди.
3 У аждаҳони тубсизликка+ ташлаб, уни қамаб қўйди ва унинг устига муҳр босди, токи у энди халқларни йўлдан оздирмасин. 1 000 йил ўтгандан кейин у қисқа вақтга озод этилади+.
4 Шунингдек, тахтларни ва уларда ўтирганларни кўрдим. Уларга ҳукм этиш ҳуқуқи берилганди. Исо ва Аллоҳ тўғрисида шоҳидлик берганлари, шунингдек, йиртқич ҳайвонга ва унинг тасвирига сажда қилмаганлари ва пешонаю қўлига тамға қабул этмаганлари+ учун ўлдирилган кишиларни* кўрдим. Улар тирилиб, Масиҳ билан 1 000 йил ҳукмронлик қилишди+.
5 (Қолган ўликлар+ 1 000 йил тугамагунча тирилишмади.) Бу биринчи тирилиш+.
6 Биринчи тирилишда иштирок этганлар бахтли+ ва муқаддасдир. Иккинчи ўлим+ уларга ҳоким эмас+, аксинча, улар Худонинг ва Масиҳнинг руҳонийлари бўлиб+, Масиҳ билан 1 000 йил шоҳлик қилишади+.
7 Шайтон 1 000 йил тугагач зиндондан озод этилади.
8 У ернинг тўрт тарафидаги халқларни — Гўг билан Магўгни йўлдан оздириб, уларни жангга йиғиш учун чиқади. Халқларнинг сони эса денгиз қумидай кўпдир.
9 Улар бутун ер юзи бўйлаб ёйилиб, муқаддас кишиларнинг қароргоҳинию азиз шаҳарни қуршаб олишди. Аммо осмондан олов тушиб, уларни ёндириб йўқ қилди+.
10 Халқларни йўлдан оздирган Иблис эса йиртқич ҳайвон+ билан сохта пайғамбар отилган оловли ва олтингугуртли кўлга ташланди+. У ерда улар кечаю кундуз, абадулабад азоб чекишади*.
11 Кейин мен катта оқ тахтни ва унда Ўтирганни кўрдим+. Унинг ҳузуридан еру осмон қочар эди+, лекин уларга жой топилмади.
12 Бундан ташқари, мен тахт олдида турган улуғу кичик ўликларни кўрдим. Шунда китоблар очилиб, ҳаёт китоби+ деган яна бир китоб ҳам очилди. Ўликлар китобларда ёзилгани бўйича, қилмишларига яраша ҳукм қилинди+.
13 Денгиз ҳам, ўлим ҳам, мозор* ҳам ўзидаги ўликларни берди. Ҳар бир киши ишларига яраша ҳукм этилди+.
14 Ўлим ва мозор* эса оловли кўлга ташланди+. Оловли кўл+ иккинчи ўлимни англатади+.
15 Исмлари ҳаёт китобида ёзилмаганларнинг+ ҳаммаси оловли кўлга ташланди+.
