Забур 40:1–17
Ижрочилар раҳбари учун кўрсатма. Довуд саноси. Қўшиқ.
40 Яҳовага бутун вужудим билан умид боғладим*,У менга қулоқ тутиб, ёрдам сўраб қилган илтижоимни эшитди+.
2 У мени балчиқ чуқурдан,Ботқоқдан олиб чиқди.
Оёқларимни қоя устига турғизиб,Қадамларимни мустаҳкам қилди.
3 Сўнг У оғзимга янги бир қўшиқни+,Аллоҳимизни мадҳ этувчи қўшиқни солди.
Кўплар Тангрининг ишларини кўриб, қўрқади,Яҳовага умид боғлайди.
4 Исёнкорлару ёлғончиларга кўз тикмай,Яҳовага таянган киши бахтлидир!
5 Қилган ишларинг беҳисобдир,Эй, Аллоҳим Яҳова,Ажойиб ишларингу бизга қаратилган ниятларинг кўпдан-кўпдир+.
Ҳеч кимса Сенга тенг кела олмайди+,Булар ҳақида гапириб, баён этадиган бўлсам,Уларнинг саноғига ета олмайман+.
6 Сен қурбонликлару назрларни истамадинг+,Балки тинглаш учун қулоқларимни очдинг+.
Куйдириладиган қурбонликлару гуноҳ қурбонликларини талаб қилмадинг+.
7 Шунда бундай дедим: «Қара, мен келдим.
Ўрама битикда мен ҳақимда ёзилган+.
8 Сенинг иродангни бажаришдан завқ топаман, эй Тангрим+,Қонунинг қалбим тўридадир+.
9 Одиллик ҳақидаги хушхабарни катта жамоат ичра эълон этаман+.
Қара, оғзимни ёпиб олганим йўқ+,Буни Ўзинг ҳам яхши биласан, эй Яҳова.
10 Одиллигингни қалбимда пинҳон сақламайман,
Садоқатинг ва нажотинг ҳақида эълон этаман.
Меҳр-садоқатинг ва ҳақиқатингни катта жамоат олдида яширмайман»+.
11 Эй Яҳова, мендан раҳм-шафқатингни аяма.
Меҳр-садоқатинг билан ҳақиқатинг доим мени ҳимоя қилсин+.
12 Мени беҳисоб мусибатлар қуршаб олди+.
Хатоларим бошимдан ошиб кетганидан, йўлимни кўролмай қолдим+.Улар бошимдаги сочимдан ҳам кўпроқдир.Юрагим ғам-ғуссага ботиб кетди.
13 Илтимос, эй Яҳова, мени қутқар+.
Эй Яҳова, менга ёрдам беришга шошил+.
14 Жонимни* олиш пайида юрганларнинг бариШарманда бўлиб, иснодга қолсин.
Бошимга тушган мусибатдан қувонаётганларКамситилиб, орқага чекинсин.
15 Менга: «Ажаб бўпти! Хўп бўпти!» — деганлар,
Шарманда бўлиб, саросимада қолсин.
16 Сени излаётганлар+ эсаСендан қувониб, шодлансин+.
Сен берадиган нажотга ташна бўлганлар доим:
«Яҳова юксалсин!»+ — деб айтсин.
17 Мен бўлсам бечора бир фақирман.Яҳова менга назар солсин.
Мададкору халоскорим Сенсан+,Кечикма, эй Аллоҳим+.
