Бутруснинг иккинчи мактуби 2:1–22
2 Бироқ Исроил халқи орасида сохта пайғамбарлар бўлгани каби, сизларнинг орангизда ҳам сохта устозлар бўлади+. Бундай кишилар яширинча ҳалокатли мазҳабларни киритиб, ҳатто уларни сотиб олган хўжайиндан+ ҳам юз ўгирадилар. Шу йўсин, улар ўзини тўсатдан келадиган ҳалокатга дучор қиладилар.
2 Бундан ташқари, кўпчилик уларнинг ахлоқсиз хулқига*+ тақлид қилади. Оқибатда эса ҳақиқат йўли ҳақоратланади+.
3 Шунингдек, улар айёрона гапириб, тамагирлик билан сизлардан ўз манфаатлари учун фойдаланадилар. Аммо улар устидан аллақачон чиқарилган ҳукм+ кечикмайди ва улар ҳалок бўлиши муқаррар+.
4 Худо гуноҳкор фаришталарни аямай+, тартарга* ташлаб+, ҳукм қилиш учун уларни зим-зиё зулматда кишанлаб қўйган*+.
5 Шунингдек, У қадимги дунёни аямай+, худосизлар устига тўфон юборган+. Адолат йўлини хабарлаб юрган Нуҳ пайғамбарни+ ва у билан бирга яна етти кишини эса сақлаб қолган+.
6 Аллоҳ Садўм ва Ғамўра шаҳарларини ҳукм қилиб, кулга айлантирган+ ва шу билан худосизларга келажакда нима юз беришини кўрсатган+.
7 Қонундан юз ўгирган одамларнинг ахлоқсиз хулқидан* эзилган одил киши Лутни эса қутқарган+.
8 Чунки уларнинг орасида яшаб, кундан-кунга қонунсиз ишларини кўрган ва эшитганидан бу одил кишининг жони* қийналар эди.
9 Бундан кўриниб турибдики, художўй* кишиларни синовлардан қандай қутқаришни+, адолатсиз кишиларни эса йўқ қилиш учун ҳукм кунигача қандай сақлашни Яҳова* билади+.
10 Булар қаторига, айниқса, бошқаларнинг баданини булғаш ниятида юрган+ ва ҳокимиятга ҳурмат кўрсатмаётганлар киради+.
Ушбу ўжар ва ўзбошимча кишилар улуғвор шахслардан қўрқишнинг ўрнига, уларни ҳақорат қилишмоқда.
11 Ҳатто улардан анча кучлироқ ва қудратлироқ фаришталар ҳам Яҳовани* ҳурмат қилишгани боис, ўша сохта устозларни ҳақоратли сўзлар билан айблашмайди+.
12 Аммо бу одамлар табиий сезги билан йўл тутадиган ва тутиб ўлдирилиш учун туғилган онгсиз ҳайвонларга ўхшайди. Улар ўзлари тушунмаган нарсалар тўғрисида ҳақоратли сўзлар айтишмоқда+. Бу одамлар ҳалокат йўлида туришибди ва улар йўқ бўлиб кетиши турган гап.
13 Ҳа, уларнинг қилмишлари ўзларига қайтади.
Бундай одамлар куппа-кундузи ўз тана нафсини қондиришдан лаззатланишади+. Улар орангиздаги доғ ва нуқсон каби сизлар билан бирга зиёфат қилаётиб, ўзларининг алдамчи таълимотларини тарқатишдан завқ олишади+.
14 Кўзлари зинога тўймайди+ ва гуноҳ қилишдан тинмайдилар. Улар беқарор кишиларни йўлдан урадиган, юраклари эса очкўзликка ўрганиб қолган. Улар лаънатидирлар.
15 Бу кишилар тўғри йўлни қолдириб адашиб қолишган. Улар Бавўр ўғли Баломнинг йўлидан кетишган+. У ёмон иши учун мукофот олишни яхши кўрган эди+.
16 Лекин жинояти учун танбеҳ олган эди+. Тилсиз эшак тилга кириб, одам овози билан гапирган ва бу пайғамбарнинг ақлсиз иш қилишига йўл қўймаган+.
17 Бу одамлар сувсиз булоқлар ва бўрон ҳайдаган ёмғирсиз булутлардир. Улар учун тим қоронғи зулмат тайёрлаб қўйилган+.
18 Улар бўлмағур гапларни бўрттириб гапиришади. Хато йўлидан эндигина қайтган кишиларни эса ўз тана истакларию+ ахлоқсиз хулқлари* билан йўлдан оздиришмоқда+.
19 Ўша ёвуз кишилар уларга эргашганларга эркинликни ваъда қилишади, ўзлари эса ахлоқсизлик қулларидир+. Чунки одам ким томонидан* енгилса, ўшанинг қули бўлади+.
20 Дарҳақиқат, агар улар Ҳазратимиз ва Нажоткоримиз Исо Масиҳ ҳақидаги аниқ билим туфайли булғанган дунёдан қочиб қутулгандан кейин+ яна ўша ишларга берилиб енгилишса, уларнинг сўнгги аҳволи олдингисидан баттар бўлади+.
21 Сабаби, одиллик йўлини аниқ билгандан кейин уларга топширилган муқаддас амрдан юз ўгиргандан кўра, бу йўлни умуман билмаганлари улар учун яхшироқ эди+.
22 Улар билан юз берган воқеа қуйидаги мақолда ўз тасдиғини топди: «Ит ўз қусуғига, ювилган чўчқа ҳам балчиққа ағанагани қайтар»+.
