Одамлар улар ишончли деб билган кишилар ҳафсаласини пир қилса, тушкунликка тушади. Кўпчилик қуйидаги одамларга ишонмай қўйган:

•   Ўзининг манфаатини одамларникидан устун қўядиган сиёсий раҳбарларга.

•   Янгиликларни адолат ва ҳаққоният ила етказмайдиган оммавий ахборот воситалари ходимларига.

•   Одамларнинг фойдасини кўзлаб йўл тутмайдиган олимларга.

•   Одамларга Худога яқинлашишга ёрдам беришнинг ўрнига сиёсатчиларнинг тарафида туриб уларни яқиндан қўллаб-қувватлайдиган дин раҳбарларига.

 Одамлар кимга ишониш борасида эҳтиёткор бўлиши тўғри. Муқаддас Китобда қуйидаги огоҳлантирув ёзилган:

•   «Умид боғламанг бекларга, нажот беролмайдиган инсон ўғлига». (Забур 146:3)

  Муқаддас Китобга кўра, ишонишингиз мумкин бўлган шахс бор. Бу Исо Масиҳдир. У шунчаки бир неча аср илгари яшаган яхши инсонгина эмас. Худо Исони тайинлагани учун у «шоҳлик қилади ва Шоҳлигининг чеки бўлмайди». (Луқо 1:32, 33) Исо Худо Шоҳлигининг — ҳозир осмондан туриб бошқарилаётган ҳукуматнинг — Шоҳи. (Матто 6:10)

•   Нега Исога ишонишингиз мумкинлигини билиб олиш учун «Худо Шоҳлигининг Шоҳи ким?» ва «Худонинг Шоҳлиги нималарни амалга оширади?» номли мақолаларни ўқинг.