Ishayo 65:1-25
65 «Men haqimda so‘ramagan kishilar Meni izlashiga,Meni qidirmagan kishilar Meni topishiga izn berdim+.
Ismimni aytib chaqirmagan xalqga: “Men shu yerdaman, Men shu yerdaman!”+ — dedim.
2 Kun bo‘yi qo‘llarimni o‘jar xalqga+,Yomon yo‘ldan yurib+,O‘z o‘y-fikrlariga berilgan+ xalqga cho‘zdim.
3 Bu xalq Meni ochiqdan-ochiq tinmay ranjitar+,Bog‘larda qurbonliklar keltirib+, g‘ishtlar ustida qurbonliklar tutatar edi.
4 Ular qabrlar orasida o‘tirar+,Tunni xilvat joylarda* o‘tkazar,Cho‘chqa go‘shtini yeb+,Idishlaridagi harom narsalar sho‘rvasini ichar edi+.
5 Ular: “Nari tur, menga yaqinlashma.Men senga qaraganda pokroqman*”,— deb aytardi.
Ular burnimga kirgan tutun, kun bo‘yi yonib turgan olov kabidir.
6 Mana! Hammasi huzurimda yozib qo‘yilgan.Sukut saqlab o‘tirmayman,Qilmishlariga yarasha qaytaraman+,Ularga tegishlisini to‘lig‘icha qaytaraman.
7 Ham o‘zlarining, ham ota-bobolarining gunohlari uchun shunday qilaman»+,— demoqda Yahova.
«Ular tog‘larda qurbonliklar tutatib,Tepaliklarda Meni haqorat qilgani uchun+,Avvalo ularning haqini to‘laligicha qaytaraman».
8 Yahova shunday demoqda:
«Yangi sharob olish mumkin bo‘lgan bir bosh uzum haqidaKimdir: “Uni yo‘q qilma, hali foydasi tegadi”,— deganiday,
Men ham O‘z xizmatkorlarim haqqi shunday yo‘l tutaman,Ularni butunlayin yo‘q qilmayman+.
9 Men Yoqubdan zurriyot*,Yahudodan tog‘larimning merosxo‘rini keltirib chiqaraman+.Tanlaganlarim bu yurtga egalik qiladi,Xizmatkorlarim u yerda maskan quradi+.
10 Sharon+ qo‘ylar uchun yaylovga,Oxor vodiysi+ qoramol uchun o‘tloqga aylanadi.Bularning bari Meni izlagan xalqim uchun qilinadi.
11 Ammo sizlar Yahovani tark etdingiz+,Muqaddas tog‘imni unutdingiz+,Omad xudosi uchun dasturxon yozib,Taqdir xudosiga atab kosalarga o‘tkir sharob to‘ldirdingiz.
12 Shu bois, sizlarni qilich damiga mubtalo qilaman+,Barchangiz so‘yilish uchun tiz cho‘kasiz+.Zero, chaqirganimda, javob bermadingiz,Gapirganimda, quloq solmadingiz+.Mening nazarimda yomon ishlar qilaverdingiz,Meni ranjitadigan narsalarni tanladingiz»+.
13 Oliy Hukmdor Yahova shunday demoqda:
«Mana, xizmatkorlarim to‘q bo‘ladi, sizlar esa och yurasizlar+.
Xizmatkorlarim suv ichadi+, sizlar esa tashna yurasizlar.
Xizmatkorlarim quvonchga to‘ladi+, sizlar esa uyatga qolasizlar+.
14 Xizmatkorlarimning qalbi shodlikka to‘lib hayqiradi,Sizlar esa qalbingiz qayg‘uga to‘lganidan dod-voy solasiz,Ruhingiz ezilganidan fig‘on chekasiz.
15 Sizlardan keyin nomingizgina qolib, tanlaganlarim uni qarg‘ish sifatida qo‘llaydi,Oliy Hukmdor Yahova hammangizni o‘limga duchor qiladi,O‘z xizmatkorlarini esa boshqa nom bilan ataydi+.
16 Yer yuzida o‘ziga baraka tilagan har kimSadoqatli Xudo tomonidan baraka topadi.Yer yuzida ont ichgan har kimSadoqatli Tangri haqqi ont ichadi+.
Zero, avvalgi qayg‘ular unutiladi,Ular nazarimdan g‘oyib bo‘ladi+.
17 Mana, Men yangi osmon va yangi yer yaratyapman+,O‘tmishdagi narsalar esga olinmaydi,Hatto ko‘ngilga ham kelmaydi+.
18 Shunday ekan, Men yaratayotgan narsalarga qarab, quvoning, toabad shodlaning.
Mana, Men Quddusni sevinch,Uning aholisini shodlik manbaiga aylantiryapman+.
19 Men Quddusga qarab quvonaman, xalqim uchun sevinaman+.U yerda yig‘i-sig‘i, dard-alam tovushlari boshqa eshitilmaydi»+.
20 «U yerda atigi bir necha kun umr ko‘rgan go‘daklar ham,Yoshini yashamay qazo qilgan keksalar ham boshqa bo‘lmaydi,
Yuz yoshida o‘lgan kimsa yoshday sanaladi,Gunohkor esa yuz yoshda bo‘lsa ham, la’natga uchraydi*.
21 Ular uylar qurib, bu uylarda yashaydi+,Uzumzorlar barpo etib, hosilidan yeydi+.
22 Ular qurgan uylarda o‘zgalar yashamaydi,Ular ekkan narsalarni boshqalar yemaydi.
Xalqimning umri daraxt umriday uzoq bo‘ladi+,Tanlaganlarim o‘z qo‘llari mehnatining rohatini ko‘radi.
23 Ular behudaga mehnat qilmaydi+,Farzandlarini qayg‘u-alam uchun dunyoga keltirmaydi.Chunki ularning o‘zlari ham, avlodlari+ ham,Yahovadan baraka topgan nasl+ bo‘ladi.
24 Ular hali chaqirmasidan Men javob beraman.Ular gapini tugatmasidan Men eshitaman.
25 Bo‘ri bilan qo‘zi birga o‘tlaydi,Sher ho‘kiz kabi somon yeydi+,Ilonning yemishi tuproq bo‘ladi.
Butun muqaddas tog‘imda ular hech kimga zarar ham, ziyon ham yetkazmaydi»+,— demoqda Yahova.
Izohlar
^ Boshqa variant «qo‘riqchi kulbalarida».
^ Boshqa variant «Yo‘qsa, pokligim senga o‘tib ketadi».
^ So‘zma-so‘z «urug‘».
^ Boshqa variant «Yoshi yuzga yetmay o‘lgan odam la’nati sanaladi».
