Vhathu vhanzhi vha dzhia tshifhambano tshi tshiga tsha Vhukriste tshine tsha shumiswa fhethu hoṱhe. Naho Ṱhanzi dza Yehova vhe Vhakriste, a vha shumisi tshifhambano kha vhurabeli hashu. Ndi ngani?

 Tshiṅwe tshiitisi ndi uri Bivhili i sumbedza uri Yesu ho ngo fela kha tshifhambano, fhedzi o fela kha danda. Zwiṅwe hafhu, Bivhili i sevha Vhakriste nga ho khwaṱhaho uri vha ‘shavhele kule ha midzimu ya zwifanyiso,’ zwine zwa amba uri a vho ngo tea u shumisa tshifhambano kha vhurabeli.​—⁠1 Vhakorinta 10:14; 1 Yohane 5:​21.

 Zwa ndeme vhukuma ndi uri Yesu o ri: “Ndi zwine vhathu vhoṱhe vha ḓo ḓivha ngazwo uri ni vhafunziwa vhanga, arali ni tshi funana.” (Yoh. 13:34, 35) Nga yeneyo nḓila Yesu o sumbedza uri lufuno lwa u ḓidzima zwiṅwe zwithu—hu si tshifhambano kana tshiṅwe tshifanyiso—lu ḓo ṱalula vhatevheli vhawe vha ngoho.