Ho no fhira 4026 B.C.E.

“Ṋowa” i nyadza ndugelo ya Yehova ya u vhusa na nḓila ine a vhusa ngayo. Yehova u fhulufhedzisa uri hu ḓo vha na “mbeu” kana “ṅwana” ane a ḓo fhedzisela o kwasha Saṱhane ane a vha ṋowa. (Genesi 3:1-5, 15, ṱhaluso i re magumoni a siaṱari) Fhedzi Yehova u tendela vhathu uri vha ḓivhuse lwa tshifhinganyana vha tshi langiwa nga Saṱhane.

1943 B.C.E.

Yehova u vhudza Abrahamu uri “ṅwana” o fhulufhedziswaho u ḓo vha muṅwe wa vhaḓuhulu vhawe.​—Genesi 22:18.

Ho no fhira 1070 B.C.E.

Yehova u khwaṱhisedza Khosi Davida na Salomo murwa wawe uri “ṅwana” o fhulufhedziswaho u ḓo bva kha muṱa wavho.​—2 Samuele 7:12, 16; 1 Dzikhosi 9:3-5; Yesaya 9:6, 7.

29 C.E.

Yehova u amba uri Yesu ndi ene “ṅwana” o fhulufhedziswaho ane a vha Muḽaifa wa khuluṋoni ya Davida.​—Vhagalata 3:16; Luka 1:31-33; 3:21, 22.

 33 C.E.

Saṱhane ane a vha ṋowa u luma “ṅwana” o fhulufhedziswaho lwa tshifhinganyana, nga u ita uri Yesu a vhulawe. Yehova u vusa Yesu uri a tshile ṱaḓulu na u ṱanganedza tshiṱhavhelo tshe Yesu a tshi ita nga u ṋekedza vhutshilo hawe, zwa ita uri Mudzimu a kone u hangwela vhathu zwivhi na u ṋea vhaḓuhulu vha Adamu vhutshilo vhu sa fheli.​—Genesi 3:15; Mishumo 2:32-36; 1 Vhakorinta 15:21, 22.

Hu ṱoḓaho u vha nga 1914 C.E.

Yesu u posa kha ḽifhasi Saṱhane ane a vha ṋowa, uri a dzule henefho lwa tshifhinganyana.​—Nzumbululo 12:7-9, 12.

Tshifhingani tshi ḓaho

Yesu u vhofha Saṱhane lwa miṅwaha ya 1 000, a kona u mu fhelisa, zwine zwa fanyiswa na u mu kwasha ṱhoho. Yehova u swikelela tshipikwa tshawe tsha u thoma nga ha ḽifhasi na vhathu, dzina ḽawe ḽa itwa ḽikhethwa na u imelela nḓila ine a vhusa ngayo.​—Nzumbululo 20:1-3, 10; 21:3, 4.