Vhurifhi Ha U Thoma Ha Yohane 4:1-21
4 Vhafunwa, ni songo sokou tenda pfunzo dzoṱhe,*+ naho dzi tshi vhonala u nga dzi bva kha Mudzimu, fhedzi ni ṱolisise arali dzenedzo pfunzo* dzi tshi bva kha Mudzimu zwa vhukuma,+ ngauri ho no vha na vhaporofita vhanzhi vha mazwifhi shangoni.+
2 Pfunzo i bvaho kha Mudzimu ni ḓo i ḓivha ngauri i amba uri Yesu Kristo o ḓa a tshila kha ḽifhasi.+
3 Fhedzi pfunzo ine ya si ambe nga ha Yesu a i bvi kha Mudzimu.+ Zwiṅwe hafhu, no pfa uri yeneyo pfunzo i ḓo vha hone, yo ḓa na ane a lwa na Kristo,+ yo no ḓadza shango.+
4 Vhananga, ni bva kha Mudzimu, no kunda vhaporofita vha mazwifhi,+ ngauri a re na vhuthihi na inwi+ u fhira a re na vhuthihi na shango.+
5 Vha bva shangoni,+ ndi ngazwo vha tshi amba zwa shango nahone ḽi a vha thetshelesa.+
6 Riṋe ri bva kha Mudzimu. Ane a ḓivha Mudzimu u a ri thetshelesa;+ a sa bvi kha Mudzimu ha ri thetshelesi.+ Zwenezwi zwi ita uri ri kone u ḓivha pfunzo ya ngoho na ya mazwifhi.+
7 Vhafunwa, kha ri bvele phanḓa ri tshi funana,+ ngauri lufuno lu bva kha Mudzimu, ane a vha na lufuno ndi ṅwana wa Mudzimu, u ḓivha Mudzimu.+
8 A si na lufuno ha ḓivhi Mudzimu, ngauri Mudzimu ndi lufuno.+
9 Mudzimu o ri dzumbululela nḓila ine a ri funa ngayo, nga u rumela Murwa wawe muthihi fhedzi*+ shangoni uri ri kone u wana vhutshilo ngae.+
10 Mudzimu o rumela Murwa wawe uri a vhe tshiṱhavhelo tshi pfumelelaho zwivhi zwashu.+ O ita zwenezwi ngauri u a ri funa, hu si nge ra mu funa.+
11 Vhafunwa, arali Mudzimu o ri funa nga yeneyi nḓila, na riṋe ri tea u funana.+
12 A hu na o no vhonaho Mudzimu.+ Arali ra dzula ri tshi funana, ri ḓo dzula ri na Mudzimu, u ḓo ri funa nga ho fhelelaho.+
13 Ri a zwi ḓivha uri ri dzula ri na vhuthihi nae na ene u dzula e na vhuthihi na riṋe, ngauri o ri ṋea muya wawe.
14 Zwiṅwe hafhu, ro vhona na u huwelela uri Khotsi o rumela Murwa wawe sa Mutshidzi wa shango.+
15 Ane a amba uri Yesu Kristo ndi Murwa wa Mudzimu,+ u dzula e na vhuthihi na Mudzimu, na Mudzimu u dzula e na vhuthihi nae.+
16 Riṋe ri a zwi ḓivha na u tenda uri Mudzimu u a ri funa.+
Mudzimu ndi lufuno,+ ane a dzula e na lufuno u na vhuthihi na Mudzimu, na Mudzimu u na vhuthihi nae.+
17 Ndi ngazwo ro funiwa nga ho fhelelaho, uri ri kone u amba ro vhofholowa+ nga ḓuvha ḽa khaṱhulo, ngauri riṋe fhano shangoni ri fana nae.
18 A re na lufuno ha ofhi,+ fhedzi lufuno lwo fhelelaho lu pandela nyofho, ngauri nyofho dzi ri thivhela u ita zwithu zwinzhi. Ane a ofha ha na lufuno lwo fhelelaho.+
19 Ri a funa, ngauri ndi ene o thomaho u ri funa.+
20 Ane a ri, “Ndi funa Mudzimu,” ngeno a tshi vhenga wahawe, u a zwifha.+ Ngauri a sa funi wahawe+ ane a kona u mu vhona, a nga si fune Mudzimu ane a si kone u mu vhona.+
21 O ri ṋea mulayo wa uri, ane a funa Mudzimu u tea u funa wahawe.+
Ṱhaluso dzi re magumoni a siaṱari
^ Thevhedz., “muya muṅwe na muṅwe.”
^ Thevhedz., “muya.”
^ Thevhedz., “Murwa mubebwa e eṱhe.”
