Dziphisalema 108:1-13
Luimbo. Phisalema ya Davida.
108 Iwe Mudzimu, mbilu yanga i a fhulufhedzea.
Ndi ḓo u imbela thendo nga zwoṱhe zwine nda vha zwone.+
2 Iwe tshilidzo tshi re na ṱhale; na Iwe haripa, fhaṱuwa.+
Ndi ḓo vuwa nga matsheloni-tsheloni.
3 Iwe Yehova, ndi ḓo u renda ndi vhukati ha vhathu,Ndi ḓo u imbela thendo ndi vhukati ha dzitshaka.
4 Ngauri lufuno lwau lu sa shanduki ndi luhulu, lu swika ngei ṱaḓulu,+U fhulufhedzea hau hu swika lutomboni.
5 Iwe Mudzimu, huliswa u fhira ḽiṱaḓulu;Ngavhe vhugala hau vhu tshi vha kha ḽifhasi ḽoṱhe.+
6 Uri vhane wa vha funa vha tshidzwe,Ri tshidze nga tshanḓa tshau tsha u ḽa, u mphindule.+
7 Mudzimu o amba e kha vhukhethwa hawe* a ri:
“Ndi ḓo pembela, ḽa Shikeme+ ndi ḓo ḽi kovha sa ifa,Ndi ḓo kala Govha ḽa Sukothe.+
8 Ḽa Giḽiada+ ndi ḽanga, na ḽa Manase ndi ḽanga,Ḽa Efuraimi ndi gondolo* ḽa ṱhoho yanga;+Ḽa Yuda ndi lubaḓa lwanga lwa vhuhosi.+
9 Ḽa Moaba ndi sambelo ḽanga.+
Ndi ḓo laṱela thovho* dzanga kha ḽa Edomo.+
Ndi ḓo fhululedza kha ḽa Filisita.”+
10 Ndi nnyi ane a ḓo nnyisa muḓini wo tsireledzwaho nga mbondo?
Ndi nnyi ane a ḓo nthanga phanḓa a ntswikisa kha ḽa Edomo?+
11 Naa a si Iwe Mudzimu we wa ri laṱa,Iwe Mudzimu washu ane wa si tsha bva na mmbi dzashu?+
12 Ri thuse musi ro tsikeledzea,+Ngauri u tshidzwa nga vhathu a zwi vhuyedzi tshithu.+
13 Mudzimu u ḓo ri ṋea maanḓa,+U ḓo kandekanya maswina ashu.+
Ṱhaluso dzi re magumoni a siaṱari
^ Kana khamusi, “e fhethu hawe hukhethwa.”
^ Thevhedz., “dzhavhelo.”
^ Kana “phashane, navhula.”
