Dziphisalema 127:1-5
Luimbo lwa Zwikwarani. Phisalema ya Salomo.
127 Arali Yehova a sa fhaṱa nnḓu,Vhafhaṱi vhayo vha vha vha tshi khou ḓinetisa musi vha tshi shuma vhukuma u itela u i fhaṱa.+
Arali Yehova a sa linda muḓi,+Mulindi wawo u vha a tshi khou sokou ḓinetisa musi a tshi dzula o fhaṱuwa.
2 Ndi u sokou ḓinetisa musi u tshi vuwa nga matsheloni,Wa si ṱavhanye u eḓela,Wa shuma nga maanḓa uri u wane zwiḽiwa,Samusi a tshi ṱhogomela vhane a vha funa, a vha ṋea khofhe.+
3 Vharwa* ndi ifa ḽi bvaho kha Yehova;+Mbebo ndi malamba.+
4 Vharwa vha musi muthu a tshe muswaVha nga misevhe i tshanḓani tsha munna wa maanḓa.+
5 Hu takala muthu ane a ḓadza mukhwama wawe wa misevhe ngavho.+
A vha nga ḓo shona,Ngauri vha ḓo amba na maswina khoroni ya muḓi.
Ṱhaluso dzi re magumoni a siaṱari
^ Kana “Vhana.”
