Dziphisalema 146:1-10
146 Rendani Yehova!*+
Kha ndi rende Yehova nga zwoṱhe zwine nda vha zwone.+
2 Ndi ḓo renda Yehova vhutshilo hanga hoṱhe.
Ndi ḓo imbela Mudzimu wanga thendo ndi tshi kha ḓi tshila.
3 Ni songo fhulufhela vharangaphanḓa*Kana na fhulufhela murwa muthu, ane a si kone u tshidza.+
4 Muya* wawe u a bva, a vhuyelela mavuni;+Nga ḽeneḽo ḓuvha na ngelekanyo dzawe dzi a lovha.+
5 Hu takala muthu ane Mudzimu wa Yakobo a vha muthusi wawe,+Ane a fhulufhela Yehova Mudzimu wawe,+
6 Musiki wa ḽiṱaḓulu na ḽifhasi,Wa lwanzhe na zwoṱhe zwi re khazwo,+Ane a dzula a tshi fhulufhedzea,+
7 Ane a lamulela vhane vha fhurwa,Ane a ṋea zwiḽiwa vhane vha vha na nḓala.+
Yehova u khou vhofholola vhafariwa.*+
8 Yehova u khou bonyolosa maṱo a vha sa vhoni;+Yehova u khou vusa vho tsikeledzwaho;+Yehova u funa vhavhuya.
9 Yehova u khou tsireledza vhatsinda;U tikedza ṅwana a si na khotsi na tshilikadzi,+Fhedzi u thithisa maano a vhavhi.*+
10 Yehova u ḓo vha Khosi lini na lini,+Iwe Tsioni, Mudzimu wau ndi wa murafho na murafho.
Rendani Yehova!*
Ṱhaluso dzi re magumoni a siaṱari
^ Kana “Haleluya!”
^ Kana “vhaḓivhalea.”
^ Kana “Mufemo.”
^ Thevhedz., “vho vhofhiwaho.”
^ Kana “u kombamisa nḓila dza vhavhi.”
^ Kana “Haleluya!”
