Dziphisalema 69:1-36
Kha mulangi; hu imbiwe luimbo lune lwa ri: “Maluvha A Mavolenga.”* Luimbo lwa Davida.
69 Iwe Mudzimu ntshidze, ngauri maḓi a khou ṱoḓa u mmbulaya.+
2 Ndo phirimela thopheni, hune hu si vhe na fhethu ho omaho.+
Ndo dzhena nga ngomu mativhani,Na mulambwana wo nkumba.+
3 Ndo neta nga u vhidzelela;+Mukulo wanga u khou vhavha.
Maṱo anga o neta nga u ṱwa ndo lindela Mudzimu wanga.+
4 Vhane vha mmbenga ndi si na mulandu+Vho ḓala u fhira mavhudzi a ṱhohoni yanga.
Vhane vha ṱoḓa u mmbulaya,Maswina anga a re na tshimbevha o no vha manzhi.
Ndo kombetshedzwa u bvisa zwe ndi si zwi tswe.
5 Iwe Mudzimu, u a ḓivha vhutsilu hanga,Mulandu wanga a wo ngo dzumbiwa phanḓa hau.
6 Ngavhe vhane vha fhulufhela iwe vha sa shoni nga nṱhani hanga,Iwe Murena Muvhusahoṱhe, Yehova wa mavhuthu.
Ngavhe vhane vha u ṱoḓa vha sa farwi nga ṱhoni nga nṱhani hanga,Iwe Mudzimu wa Isiraele.
7 Ndi nyadziwa nga nṱhani hau;+Ndo farwa nga ṱhoni.+
8 Ndo no vha mutsinda kha vhahashu,Mutsinda kha vhana vha mme anga.+
9 Ndi fhisetshela nnḓu yau,+Vhe vha u sema vha vho sema na nṋe.+
10 Musi ndi tshi ḓiṱukufhadza nga u ḓidzima zwiḽiwa,Ndo nyadzelwa zwenezwo.
11 Musi ndi tshi ita dzanganda uri ḽi vhe tshiambaro tshanga,Vha ngoḓa.
12 Vhane vha dzula khoroni ya muḓi vha amba nga ha nṋe,Na zwidakwa zwi imba nga ha nṋe.
13 Ngavhe thabelo yanga i tshi ḓa ha iwe,Iwe Yehova, nga tshifhinga tsho teaho.+
Iwe Mudzimu, nga nṱhani ha lufuno lwau luhulu lu sa shanduki,Mphindule nga mishumo yau ya u tshidza ya ngoho.+
14 Mbvise thopheni;U songo tenda ndi tshi phirimela.
Ntshidze kha vhane vha mmbengaNa mativhani a maḓi.+
15 U songo tenda ndi tshi kumbiwa nga maḓi mahulu,+Kana ndi tshi milwa nga mativha,Kana tshisima* tshi tshi ntibetshela nga ngomu.+
16 Mphindule Iwe Yehova, ngauri lufuno lwau lu sa shanduki ndi lwavhuḓi.+
Rembulutshela kha nṋe ngauri khathutshelo yau ndi khulu,+
17 U songo dzumbela mushumeli wau tshifhaṱuwo tshau.+
Mphindule nga u ṱavhanya, ngauri ndo tsikeledzea.+
18 Iḓa tsini hanga u ntshidze;Nthengulule kha maswina anga.
19 U a ḓivha u nyadziwa hanga na u shoniswa hanga.+
U vhona maswina anga oṱhe.
20 Mbilu yanga i pfa vhuṱungu nga u nyadziwa, tshilonda tsha hone a tshi fholi.
Ndo vha ndi tshi khou fhulufhela uri hu ḓo vha na muthu ane a ḓo mpfela vhuṱungu, fhedzi a si vhe hone,+Ndo vha ndi tshi khou fhulufhela uri hu ḓo vha na vhathu vhane vha ḓo nkhuthadza, fhedzi vha si vhe hone.+
21 Fhedzi nṱhani ha uri vha nṋee zwiḽiwa vho nṋea mulimo,*+Musi ndi na ḓora vho nṋea zwi dungaho uri ndi nwe.+
22 Ngavhe ṱafula ḽavho ḽi tshi vha tshikwekwe khavho,Na lupfumo lwavho lu tshi vha tshikwekwe.+
23 Ngavhe maṱo avho a tshi swifhalelwa uri vha si vhone,Khundu dzavho dzi tshi dzulela u tetemela.
24 Shululela mbiti dzau khavho,Ngavhe u tshi vha sinyutshela.+
25 Ngavhe madennde avho a tshi vha mashubi;Hu songo vha na ane a dzula madenndeni avho.+
26 Ngauri vha tovhola we iwe wa mu rwa,Vha dzulela u amba nga ha vhuṱungu ha vho huvhadzwaho nga iwe.
27 Engedza muṅwe mulandu kha mulandu wavho,Vha songo vha na mukovhe kha zwivhuya zwau.
28 Ngavhe vha tshi phumulwa buguni ya vha tshilaho,*+Ngavhe vha sa ṅwaliwi na vhavhuya.+
29 Fhedzi ndi khou tambula na u pfa vhuṱungu.+
Ngavhe maanḓa au a u tshidza a tshi ntsireledza, Iwe Mudzimu.
30 Ndi ḓo imbela dzina ḽa Mudzimu thendo,Ndi ḓo mu hulisa nga ndivhuwo.
31 Zwenezwo zwi ḓo takadza Yehova u fhira mboho,U fhira mbohwana i re na ṋanga na khwanḓa.+
32 Vho vuḓaho vha ḓo zwi vhona vha takala.
Inwi vhane na ṱoḓa Mudzimu, ngavhe mbilu dzaṋu dzi tshi vusuluswa.
33 Ngauri Yehova u thetshelesa mushai,+Ha nga laṱi mathubwa awe.+
34 Ḽiṱaḓulu na ḽifhasi nga zwi mu rende,+Na lwanzhe na zwoṱhe zwi tshatshamaho khalwo.
35 Ngauri Mudzimu u ḓo tshidza Tsioni+U ḓo vusulusa miḓi ya Yuda,Vha ḓo dzula henefho vha i dzhia ya vha yavho.
36 I ḓo vha ifa ḽa vhaḓuhulu vha vhashumeli vhavho,+Vhane vha funa dzina+ ḽawe vha ḓo dzula khayo.
Ṱhaluso dzi re magumoni a siaṱari
^ Kana “Ḽiḽi.”
^ Kana “dindi.”
^ Kana “tshimela tshi re na mulimo.”
^ Kana “buguni ya vhutshilo.”
