Dziphisalema 77:1-20
Kha mulangi; nga kuimbele kwa Yeduthuni.* Luimbo lwa Asafu.+
77 Ndi ḓo vhidzelela Mudzimu nga ipfi ḽanga;Ndi ḓo vhidzelela Mudzimu, u ḓo mpfa.+
2 Ndi ṱoḓa Yehova musi ndo tsikeledzea.+
Ndi dzula ndo mu imisela zwanḓa zwanga vhusiku.
A thi khuthadzei.
3 Musi ndi tshi humbula Mudzimu, ndi a gomela;+Ndi a dinalea, nda fhelelwa nga nungo.+ (Selah)
4 Ndi iwe we wa vula tsie dzanga;Ndo sinyuwa a thi koni na u amba.
5 Ndi humbula zwa maḓuvha a kale-kale,+Zwa miṅwaha ya kale-kale.
6 Ndi humbula luimbo lwanga vhusiku;+Nda elekanya mbiluni yanga;+Nda ita vhuḓidini ha u ṱoḓisisa.
7 Naa Yehova u ḓo ri laṱa lwa tshoṱhe?+
Naa a nga si tsha dovha a ri khathutshela?+
8 Naa lufuno lwawe lu sa shanduki lwo fhela lwa tshoṱhe?
Naa zwe a fhulufhedzisa a zwi tsha ḓo itea kha mirafho yoṱhe?
9 Naa Mudzimu o hangwa u sumbedza u takalela hawe,+Kani mbiti dzawe dzo ita uri khathutshelo yawe i fhele? (Selah)
10 Naa ndi ḓo dzula ndi tshi ri: “Zwine zwa ntsikeledza ndi hezwi:+
Wa-Ṱaḓulu-ṱaḓulu o shandula nḓila ine a shumisana ngayo na riṋe”?
11 Ndi ḓo humbula mishumo ya Yehova;Ndi ḓo humbula mishumo yau i mangadzaho ya kale-kale.
12 Ndi ḓo elekanya nga mishumo yau yoṱheNda elekanya nga mishumo yau.+
13 Iwe Mudzimu, nḓila dzau ndi khethwa.
Ndi ufhio mudzimu ane a vha muhulwane sa Iwe Mudzimu?+
14 U Mudzimu wa ngoho, ane a ita zwithu zwi mangadzaho.+
Wo dzumbulula nungo dzau kha vhathu.+
15 Wo tshidza* vhathu vhau nga maanḓa* au,+Vharwa vha Yakobo na vha Yosefa. (Selah)
16 Iwe Mudzimu, maḓi o u vhona;Maḓi o u vhona a dzikuwa,+Na mativha a dzikuwa.
17 Makole a shulula maḓiHa pfala mubvumo kha makole a re lutomboni,Misevhe yau ya fhufha thungo dzoṱhe.+
18 Mubvumo wau+ wo vha u tshi nga malinga a gariki;Lupenyo lu tshi vhonetshela ḽifhasi ḽoṱhe;+Ḽifhasi ḽa dzinginyea, ḽa tseka.+
19 Iwe wa pfuka nga lwanzheni,+Iwe wa pfuka nga maḓini manzhi;Fhedzi vhuṱala hau vhu si vhonale.
20 Wo ranga phanḓa vhathu vhau sa sambi,+Vha tshi ṱhogomelwa nga* Mushe na Aroni.+
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Thevhedz., “rengulula.”
^ Thevhedz., “tshanḓa.”
^ Thevhedz., “Nga tshanḓa tsha.”
