Genesi 36:1-43
36 Haya ndi mafhungo a Esau, ane a pfi Edomo.+
2 Esau o vhinga vhafumakadzi vhawe kha vhananyana vha Kanana: Ada+ ṅwananyana wa Eloni wa Muhethe+ na Oholibama+ ṅwananyana wa Eina, muḓuhulu wa Sibioni wa Muhevi
3 na Basimatha+ ṅwananyana wa Ishimaele, khaladzi a Nebayothe.+
4 Ada a bebela Esau ṅwana ane a pfi Elifasi, Basimatha a beba Ruwele,
5 Oholibama a beba Yeushi, Yaelamu na Kora.+
Vhenevho ndi vharwa vha Esau vhe a bebelwa vhone ngei shangoni ḽa Kanana.
6 Nga murahu ha zwenezwo, Esau a dzhia vhafumakadzi vhawe, vharwa na vhananyana vhawe na vhoṱhe vha re muḓini wawe, masambi awe, zwifuwo zwawe zwoṱhe na lupfumo lwawe lwoṱhe lwe a lu kuvhanganya+ shangoni ḽa Kanana, a ṱuwa a ya kha ḽiṅwe shango kule na Yakobo murathu wawe.+
7 Ngauri vho vha vhe na zwithu zwinzhi lwe vha si kone u dzula vhoṱhe, shango ḽe vha vha vha tshi dzula khaḽo* ḽo vha ḽi si tsha vha eḓana nga nṱhani ha masambi avho.
8 Esau a dzula dzinguni ḽa thavhani dza Seiri.+ Esau o vha e ene Edomo.+
9 Haya ndi mafhungo a Esau khotsi a Vhaedomo musi e dzinguni ḽa thavhani dza Seiri.+
10 Madzina a vharwa vha Esau ndi haya: Elifasi murwa wa Ada mufumakadzi wa Esau; Ruwele murwa wa Basimatha mufumakadzi wa Esau.+
11 Vharwa vha Elifasi vho vha vhe Themani,+ Omari, Zefo, Gathamu na Kenasi.+
12 Thimina a vha mufumakadzi wa vhuimo ha fhasi* wa Elifasi, murwa wa Esau. Nga u ya ha tshifhinga a bebela Elifasi murwa ane a pfi Amaleke.+ Vhenevha ndi vharwa vha Ada, mufumakadzi wa Esau.
13 Vharwa vha Ruwele ndi havha: Nahathi, Zera, Shamaha na Misa. Vhenevho vho vha vhe vharwa vha Basimatha,+ mufumakadzi wa Esau.
14 Vharwa vha Oholibama ṅwananyana wa Eina muḓuhulu wa Sibioni, vhe a vha bebela Esau ndi havha: Yeushi, Yaelamu na Kora. Oholibama o vha e mufumakadzi wa Esau.
15 Khosana* dza vharwa vha Esau ndi hedzi: Vharwa vha Elifasi, tanzhe ḽa Esau:+ Khosana Themani, Khosana Omari, Khosana Zefo, Khosana Kenasi,+
16 Khosana Kora, Khosana Gathamu na Khosana Amaleke. Hedzi ndi khosana dza Elifasi+ shangoni ḽa Edomo. Vhenevho ndi vharwa vha Ada.
17 Vharwa vha Ruwele murwa wa Esau ndi havha: Khosana Nahathi, Khosana Zera, Khosana Shamaha, Khosana Misa. Dzenedzi ndi khosana dza Ruwele shangoni ḽa Edomo.+ Vhenevho ndi vharwa vha Basimatha, mufumakadzi wa Esau.
18 Vharwa vha Oholibama, mufumakadzi wa Esau ndi havha: Khosana Yeushi, Khosana Yaelamu, Khosana Kora. Ndi dzone khosana dza Oholibama mufumakadzi wa Esau, ṅwananyana wa Eina.
19 Vhenevho ndi vharwa vha Esau na khosana dzavho. Ndi ene Edomo.+
20 Vharwa vha Seiri wa Muhori vhane vha vha vhadzulapo vha shango+ ndi havha: Lotani, Shobali, Sibioni, Eina,+
21 Dishoni, Esere na Dishani.+ Hedzi ndi khosana dza Vhahori, vharwa vha Seiri, shangoni ḽa Edomo.
22 Vharwa vha Lotani vho vha vhe Hori na Hemamu; khaladzi a Lotani o vha e Thimina.+
23 Vharwa vha Shobali ndi havha: Alivani, Manahathi, Ebali, Shefo na Onamu.
24 Vharwa vha Sibioni+ ndi havha: Aya na Eina. Hoyu ndi Eina we a wana zwisima zwa maḓi a fhisaho sogani musi a tshi khou lisa donngi dza Sibioni khotsi awe.
25 Vhana vha Eina ndi havha: Dishoni na Oholibama ṅwananyana wa Eina.
26 Vharwa vha Dishoni ndi havha: Hamarana, Eshibana, Yithirana na Kerana.+
27 Vharwa vha Esere ndi havha: Bilihana, Tsafani na Akhani.
28 Vharwa vha Dishani ndi havha: Utsi na Arani.+
29 Khosana dza Vhahori ndi hedzi: Khosana Lotani, Khosana Shobali, Khosana Sibioni, Khosana Eina,
30 Khosana Dishoni, Khosana Esere na Khosana Dishani.+ Hedzi ndi khosana dza Vhahori u ya nga khosana dzavho shangoni ḽa Seiri.
31 Enea ndi mahosi e a vhusa shangoni ḽa Edomo,+ Vhaisiraele* vha sa athu u vha na khosi.+
32 Bela murwa wa Beoro o vhusa Edomo, muḓi wawe wo vha u tshi pfi Dinihaba.
33 Musi Bela a tshi fa, Yobaba murwa wa Zera wa ngei Bosira a vhusa vhudzuloni hawe.
34 Musi Yobaba a tshi fa, Hushamu wa shangoni ḽa Vhathemani a vhusa vhudzuloni hawe.
35 Musi Hushamu a tshi fa, Hadada murwa wa Bedada we a kunda Vhamidiani+ shangoni ḽa Moaba, a vhusa vhudzuloni hawe, muḓi wawe wo vha u tshi pfi Afithi.
36 Musi Hadada a tshi fa, Samula wa ngei Masireka a vhusa vhudzuloni hawe.
37 Musi Samula a tshi fa, Shaulo wa ngei Rehobothe tsini na Mulambo a vhusa vhudzuloni hawe.
38 Musi Shaulo a tshi fa, Baali-hanana murwa wa Akiboro a vhusa vhudzuloni hawe.
39 Musi Baali-hanana murwa wa Akiboro a tshi fa, Hadara a vhusa vhudzuloni hawe; muḓi wawe wo vha u tshi pfi Pau, mufumakadzi wawe o vha a tshi pfi Mehetabele, ṅwananyana wa Matirede ṅwananyana wa Mezahaba.
40 Madzina a khosana dza Esau u ya nga miṱa yadzo, fhethu hadzo na madzina adzo ndi haya: Khosana Thimina, Khosana Alifa, Khosana Yethethe,+
41 Khosana Oholibama, Khosana Elaa, Khosana Phinoni,
42 Khosana Kenasi, Khosana Themani, Khosana Mibizara,
43 Khosana Magadiele na Khosana Iramu. Hedzi ndi khosana dza Edomo u ya nga nḓila ye dza vha dzi tshi dzula ngayo shangoni ḽadzo.+ Ndi ene Esau khotsi a Vhaedomo.+
Ṱhaluso dzi re magumoni a siaṱari
^ Kana “ḽe vha vha vha tshi dzula khaḽo sa vhatsinda.”
^ Sedzani Mutevhe Wa Ṱhalutshedzo Ya Maipfi.
^ Khosana yo vha i vhamusanda.
^ Thevhedz., “vharwa vha Isiraele.”
