“U songo litsha u amba nga heyi bugu ya Mulayo, u tea u i vhalela fhasi masiari na vhusiku, uri u tevhedze nga vhuronwane zwoṱhe zwo ṅwaliwaho khayo; ndi hone nḓila yau i tshi ḓo bvelela wa ita zwithu nga vhuṱali.”

Yoshua 1:8

“Vha bvela phanḓa vha tshi vhalela nṱha bugu yeneyo ya Mulayo wa Mudzimu wa ngoho, vha u ṱalutshedza zwavhuḓi, vha ita uri u pfale; vha thusa vhathu uri vha pfesese zwe zwa vha zwi tshi khou vhaliwa.”

Nehemia 8:8

“Hu takala muthu a sa tevheli nyeletshedzo ya vhavhi . . . , ane tshawe ha vha u takalela mulayo wa Yehova, mulayo Wawe a u vhalela fhasi masiari na vhusiku. . . . Zwoṱhe zwine a ita zwi ḓo mu tshimbilela zwavhuḓi.”

Phisalema 1:​1-3

“Filipo a gidima a sendela tsini na yeneyo gariki, a pfa a tshi khou vhala bugu ya muporofita Yesaya, a mu vhudzisa a ri: ‘Naa u khou pfesesa zwine wa khou zwi vhala?’ Ene a ri: ‘Ndi ḓo zwi pfesesa hani hu si na ane a nga mpfunza?’”

Mishumo 8:​30, 31

 “Naho Mudzimu ri sa mu vhoni, ri a kona u vhona zwine a vha zwone kha zwe a zwi sika, ri vhona maanḓa awe a sa fheli na uri ndi Mudzimu. Ndi ngazwo vha si na tshiitisi tsha u sa tenda Mudzimu.”

Vharoma 1:​20

“Elekanya nga zwenezwi zwithu; u ḓikumedzele khazwo, uri mvelaphanḓa yau i vhonwe zwavhuḓi nga vhathu vhoṱhe.”

1 Timotheo 4:​15

“Kha ri ḓivhane khwine uri ri kone u funana nga ho engedzeaho na u ita mishumo mivhuya, ri songo litsha u kuvhangana nga tshashu.”

Vhahevheru 10:24, 25

“Ane a shaya vhuṱali, nga a dzule a tshi humbela Mudzimu, u ḓo mu ṋea, ngauri u ṋea vhoṱhe nga mbilu yoṱhe a sa gunguli.”

Yakobo 1:5