NGUDO 02
Bivhili I Ri Fhulufhedzisa Vhumatshelo Vhu Takadzaho
Vhathu vhanzhi vha na thaidzo dzine dza ita uri vha si takale, dzine dza vha vhilaedzisa na dzine dza vha pfisa vhuṱungu. Naa no no vhuya na vha na thaidzo dzo raloho? Khamusi ni khou dinwa nga vhulwadze kana no felwa. Khamusi ni a ḓivhudzisa uri, ‘Naa zwi ḓo vhuya zwa luga?’ Bivhili i a fhindula yeneyo mbudziso. Phindulo ya hone i nga ni khuthadza.
1. Bivhili i ri fhulufhedzisa uri hu ḓo itea mini tshifhingani tshi ḓaho?
Bivhili i a ṱalutshedza uri ndi ngani ri na thaidzo nnzhi nga u rali. I dovha ya ri vhudza mafhungo a takadzaho a uri Mudzimu u ḓo fhelisa dzenedzi thaidzo dzoṱhe hu si kale. Zwine Bivhili ya zwi fhulufhedzisa zwi nga ita uri ri vhe na “vhumatshelo havhuḓi na fhulufhelo.” (Vhalani Yeremia 29:11, 12.) Zwenezwi zwi nga ri thusa uri ri kone u konḓelela thaidzo dzine ra vha nadzo na u ita uri ri takale zwino. Zwi dovha zwa ri khwaṱhisedza uri ri nga takala u ya nga hu sa fheli.
2. Bivhili i fhulufhedzisa uri vhutshilo vhu ḓo vha hani?
Bivhili i amba uri tshifhingani tshi ḓaho, “lufu a lu tsha ḓo vha hone, u ṱungufhala, u lila na vhuṱungu a zwi tsha ḓo vha hone.” (Vhalani Nzumbululo 21:4.) Vhushai, u haṱulwa nga nḓila i si yavhuḓi, malwadze na lufu ndi dziṅwe dza thaidzo dzine dza ita uri vhathu vha shengele ṋamusi. Dzenedzo thaidzo dzi ḓo vha dzi si tsheeho. Bivhili i fhulufhedzisa uri vhathu vha ḓo ḓiphiṋa nga u tshila tshoṱhe Pharadisoni kha ḽifhasi.
3. Ni nga vha hani na vhungoho ha uri zwine Bivhili ya zwi fhulufhedzisa zwi ḓo itea?
Vhathu vhanzhi vha a tama hu tshi itea zwithu zwavhuḓi, fhedzi a vha na vhungoho ha uri zwenezwo zwithu zwi ḓo vhuya zwa itea. Fhedzi zwine Bivhili ya zwi fhulufhedzisa zwi ḓo itea zwa vhukuma. Arali ra “ṱolisisa Maṅwalo,” ri nga kona u fhulufhela zwine Bivhili ya zwi amba. (Mishumo 17:11) Musi ni tshi guda Bivhili, ni ḓo kona u ḓikhethela arali ni tshi nga fhulufhela zwine Bivhili ya zwi amba nga ha vhumatshelo.
GUDANI ZWO ENGEDZEAHO
Gudani nga ha zwiṅwe zwine Bivhili ya amba uri zwi ḓo itea tshifhingani tshi ḓaho. Ṱhogomelani uri zwine Bivhili ya zwi fhulufhedzisa zwi thusa hani vhathu ṋamusi.
4. Bivhili i fhulufhedzisa uri ri nga tshila tshoṱhe ri si na thaidzo na nthihi
Ṱhogomelani zwithu zwi tevhelaho zwine Bivhili ya zwi fhulufhedzisa. Ndi tshifhio tshine na tshi takalela nga maanḓa kha zwenezwi zwithu? Ndi ngani ni tshi tshi takalela?
Vhalani vese dzi re tsini na zwe na zwi takalela, ni kone u fhindula mbudziso dzi tevhelaho:
-
Naa ni vhona u nga dzenedzi vese dzi ita uri ni vhe na fhulufhelo? Naa ni vhona u nga muṱa waṋu na khonani dzaṋu na vhone vha nga vhuyelwa nga u guda dzenedzi vese?
Ḓivhoneni ni tshi khou tshila shangoni ḽine:
|
HU SI VHE NA MUTHU ANE A KHOU TAMBUDZWA NGA ZWITHU ZWI TEVHELAHO |
VHATHU VHOṰHE VHA ḒO ḒIPHIṊA NGA ZWITHU ZWI TEVHELAHO |
|---|---|
|
|
|
|
|
|
|
|
|
|
5. Zwine Bivhili ya zwi fhulufhedzisa zwi nga shandula vhutshilo haṋu
Thaidzo dzi re hone dzi sinyusa vhathu na u vha kula nungo. Vhaṅwe vha a lingedza vhukuma u ita uri zwithu zwi vhe khwine. Bivhili i fhulufhedzisa uri zwithu zwi ḓo vha khwine. Vhonani uri zwenezwo zwi khou thusa hani vhathu zwino. Ṱalelani VIDIO, ni kone u fhindula mbudziso dzi tevhelaho.
-
Kha vidio, Vho-Rafika vho vhona vhathu vha tshi farwa hani nga nḓila i si yavhuḓi?
-
Bivhili yo thusa hani Vho-Rafika naho vhathu vho bvela phanḓa vha tshi farwa nga nḓila i si yavhuḓi?
Musi ri tshi fhulufhela zwine Bivhili ya zwi fhulufhedzisa nga ha vhumatshelo, zwi nga ita uri ri si kulee nungo na u ita uri ri takale naho ri na thaidzo. Vhalani Mirero 17:22 na Vharoma 12:12, ni kone u fhindula mbudziso dzi tevhelaho:
-
Ni vhona u nga vhutshilo haṋu vhu ḓo vha hani zwino arali na fhulufhela zwine Bivhili ya zwi amba nga ha vhumatshelo? Ndi ngani ni tshi ralo?
VHAṄWE VHATHU VHA AMBA URI: “Zwine Bivhili ya zwi amba nga ha vhumatshelo a zwi tendisei.”
-
Ndi ngani zwi zwa ndeme uri ni wane vhuṱanzi inwi muṋe?
NO GUDA MINI?
Bivhili i fhulufhedzisa uri hu ḓo itea zwithu zwinzhi zwi takadzaho. Zwenezwi zwi ita uri ri tshile vhutshilo ha khwine zwino na u ita uri ri vhe na fhulufhelo.
Ni Kha Ḓi Zwi Humbula?
-
Ndi ngani vhathu vha tshi tea u ḓivha zwe Mudzimu a zwi fhulufhedzisa?
-
Bivhili i amba uri hu ḓo itea mini tshifhingani tshi ḓaho?
-
U fhulufhela zwine zwa ḓo itea tshifhingani tshi ḓaho zwi nga ni thusa hani zwino?
WANANI ZWO ENGEDZEAHO
Gudani uri u vha na fhulufhelo zwi nga ni thusa hani musi ni na thaidzo.
“Ni Nga Wana Ngafhi Fhulufhelo?” (Fhaṱuwani!, 22 April 2004)
Gudani uri u vha na fhulufhelo nga ha vhumatshelo zwi nga thusa hani vhathu vha re na vhulwadze vhu sa fholi.
“Naa Bivhili I Nga Ni Thusa Arali Ni Na Vhulwadze Vhu Sa Fholi?” (Thero i re kha jw.org)
Musi ni tshi khou ṱalela vidio ya muzika i tevhelaho, ḓivhoneni ni na muṱa waṋu ni tshi khou ḓiphiṋa Pharadisoni.
Vhalani nga ha uri vhutshilo ha muṅwe munna we a vha a tshi lwela uri hu vhe na tshanduko, ho shanduka hani musi a tshi guda nga ha zwine Bivhili ya zwi fhulufhedzisa nga ha vhumatshelo.
“A thi tsha ḓivhona ndi muthu ane a ṱoḓa u shandula shango” (Tshiingamo, 1 July 2013)
You May Also Like
MBUDZISO DZINE DZA ANZELA U VHUDZISWA
Ngudo Ya Bivhili Ndi Mini?
Musi ni tshi khou guda na Ṱhanzi dza Yehova nga mahala, ni nga shumisa Bivhili iṅwe na iṅwe ine na i takalela. Ni nga vhidza vha muṱani ha waṋu kana khonani dzaṋu uri na vhone vha vhe hone musi ni tshi guda.
