Zwe Yesu A Zwi Ita

Ri Guda Mini Kha Yesu?

2. Musi ri tshi gudisa nga nḓila yo leluwaho, vhathu vha ḓo humbula zwe ra vha gudisa zwone nahone zwi ḓo kwama mbilu dzavho.

 Edzisani Yesu

3. Ni songo ambesa. Nṱhani ha u vhudza muthu zwithu zwoṱhe zwine na zwi ḓivha nga ha maṅwe mafhungo, livhisani ṱhogomelo kha zwine zwa khou gudiswa kha yeneyo khandiso. Arali na vhudzisa mbudziso, lindelani ni sa fheli mbilu uri mugudiswa a fhindule. Arali a sa ḓivhi phindulo kana a amba zwiṅwe zwithu zwine zwa sa tshimbidzane na Bivhili, vhudzisani mbudziso dzo engedzeaho u itela u mu thusa uri a humbulisise nga ha ḽeneḽo fhungo. Arali mugudiswa a pfesesa mbuno khulwane, fhirelani kha zwi tevhelaho.

4. Shumisani zwine mugudiswa a vho zwi ḓivha u itela u mu thusa u pfesesa zwithu zwiswa. Sa tsumbo, musi ni sa athu thoma ngudo i ambaho nga ha mvuwo, ni nga vusulusa nga u tou pfufhifhadza zwine mugudiswa a vho zwi ḓivha nga ha vhuimo ha vhafu.

5. Shumisani zwifanyiso nga nḓila yavhuḓi. Musi ni sa athu shumisa tshifanyiso, ḓivhudziseni uri:

1.    ‘Naa itshi tshifanyiso tsho leluwa?’

2.   ‘Naa mugudiswa wanga u ḓo tshi pfesesa nga hu leluwaho?’

3.   ‘Naa tshi ḓo thusa mugudiswa u pfesesa mbuno khulwane, hu si tshifanyiso fhedzi?’