NAA NI NGA RI Diabolo ndi . . .

• Muthu wa muya?

• Vhuvhi vhu re kha muthu?

• Mahumbulele a vhathu?

ZWINE BIVHILI YA AMBA ZWONE

Diabolo o amba na Yesu nahone a mu ‘linga’. (Mateo 4:1-4) Nga zwenezwo, Diabolo a si muthu wa u tou humbulelwa kana tshifanyiso tsha vhuvhi. Ndi muthu muvhi wa muya.

NDI MINI ZWIṄWE ZWINE RA NGA ZWI GUDA BIVHILINI?

• Mathomoni Diabolo o vha e muruṅwa mukhethwa, fhedzi “ho ngo ima o khwaṱha ngohoni.” (Yohane 8:44) O vha mudzia mazwifhi nahone a shandukela Mudzimu.

• Vhaṅwe vharuṅwa vho tevhela tsumbo ya Sathane.—Nzumbululo 12:9.

• Diabolo u swingisa vhathu vhanzhi uri vha si tende uri u hone.—2 Vhakorinta 4:4.

VHAṄWE VHATHU VHA RI u amba uri muthu u langwa nga Diabolo ndi mazwifhi madala-dala, ngeno vhaṅwe vha tshi ofha u dzhenwa nga mimuya mivhi. Inwi ni humbula mini?

ZWINE BIVHILI YA AMBA ZWONE

“Shango ḽoṱhe ḽi zwanḓani zwa muvhi.” (1 Yohane 5:19) Diabolo u na ṱhuṱhuwedzo khulwane kha vhathu, fhedzi ha langi vhathu vhoṱhe.

NDI MINI ZWIṄWE ZWINE RA NGA ZWI GUDA BIVHILINI?

• Diabolo u shumisa vhufhura u itela u engedza ṱhuṱhuwedzo yawe.—2 Vhakorinta 11:14.

• Nga zwiṅwe zwifhinga mimuya mivhi i nga langa vhathu.—Mateo 12:22.

• Nga thuso ya Mudzimu, ni nga ‘lwa na Diabolo’ nga hu bvelelaho.—Yakobo 4:7.