Nga matsheloni a ḽa 24 February 2022, Russia yo ṱhasela Ukraine naho vharangaphanḓa vha maṅwe mashango vho lingedza u thivhela uri zwi songo itea. Yeneyi nndwa i nga kwama hani shango ḽoṱhe? Maḓuvha a si gathi o fhiraho, Vho António Guterres vhane vha vha secretary-general wa United Nations vho ri: “Yeneyi nndwa i ḓo tshinyadza vhukuma na u ita uri vhathu vha shengele. I ḓo dovha ya ita uri mashango a Yuropa na maṅwe mashango oṱhe a si tsha tsireledzea.”

•   Yesu Kristo o dzula o amba uri “lushaka lu ḓo lwa na luṅwe lushaka na muvhuso wa lwa na muṅwe muvhuso.” (Mateo 24:7) Bivhili i sumbedza uri zwe Yesu a dzula o zwi amba nga ha nndwa dzine dza vha hone ṋamusi zwi khou itea. U itela u vhona uri i zwi sumbedza hani, vhalani thero ine ya ri “What Is the Sign of ‘the Last Days,’ or ‘End Times’?”

•   Bivhilini, bugu ya Nzumbululo i fanyisa nndwa na muthu o ṋamelaho bere “tswuku” ane a ita uri “hu si tsha vha na mulalo kha ḽifhasi.” (Nzumbululo 6:4) U itela u vhona uri nndwa dzine dza vha hone ṋamusi dzi tshimbidzana hani na vhuporofita, vhalani thero ine ya ri “Vhaṋameli Vhaṋa Vha Dzibere—<u2060>Ndi Vhonnyi?”

•   Bugu ya Daniele yo dzula yo amba uri “khosi ya devhula” i ḓo lwa na “khosi ya tshipembe.” (Daniele 11:25-45) U itela u ḓivha uri ndi ngani hu tshi nga ambiwa uri muvhuso wa Russia na vhatikedzi vhawo vha imela “khosi ya devhula,” a ṱalelani vidio ine ya ri Vhuporofita Ho Iteaho—Daniele Ndima 11.

•   Nzumbululo i dovha ya amba nga ha nndwa “ya ḓuvha ḽihulu ḽa Mudzimu Ramaanḓaoṱhe.” (Nzumbululo 16:14, 16) Fhedzi a si nndwa ine ya vha hone vhukati ha dzitshaka i fanaho na ine ra khou i vhona ṋamusi. U itela u ḓivha zwo engedzeaho nga ha zwine zwa ḓo itea tshifhingani tshi ḓaho, vhalani thero ine ya ri “Nndwa Ya Haramagedo Ndi Mini?”

•   Bivhili i amba uri Mudzimu u ḓo “fhelisa nndwa ḽifhasini ḽoṱhe.” (Phisalema 46:9) U itela u guda zwo engedzeaho nga ha zwine Mudzimu a zwi fhulufhedzisa, vhalani thero ine ya ri “A Real Hope for a Better Tomorrow.”

•   Yesu o gudisa vhafunziwa vhawe uri vha rabelele uri Muvhuso wa Mudzimu u ḓe. (Mateo 6:9, 10) Wonoyu Muvhuso ndi muvhuso u re ṱaḓulu une wa ḓo ita zwine Mudzimu a zwi funa kha ḽifhasi, zwine zwa katela u ita uri ḽifhasini hu vhe na mulalo. U itela u ḓivha uri wonoyo Muvhuso u nga ni vhuyedza hani, ṱalelani vidio ine ya ri Muvhuso Wa Mudzimu Ndi Mini?

 Hu na Ṱhanzi dza Yehova dzi fhiraho 129 000 ngei Ukraine. U fana na dziṅwe Ṱhanzi dzi re kha maṅwe mashango, vha edzisa Yesu nga u sa dzhia sia kha zwa politiki na u sa shela mulenzhe kha dzinndwa. (Yohane 18:36) Ṱhanzi dza Yehova vha bvela phanḓa vha tshi ḓivhadza “mafhungo maḓifha a Muvhuso” u mona na shango ḽoṱhe, samusi u wone une wa nga lugisa thaidzo dzine dza vha hone, u katela na dzinndwa. (Mateo 24:14) Ni nga ri kwama arali ni tshi ṱoḓa u guda zwo engedzeaho nga ha zwine Bivhili ya zwi funza.