NEL TEMPO dei israeliti, quando un omo el ndea maridarse, lu o la so fameia i gavea de pagar un prèssio par la fameia dela dona che el ndea maridarse. Lu el podea pagar con soldi, bèstie o qualche altre robe de valor. Par esémpio, Giacò el ga laorà sete ani par el so sogro par maridarse cola so fiola, Rachel. (Gén. 29:17, 18, 20) Parché che lori i gavea de far cossita?

Una studiosa dela Bìblia che la ga nome Carol Meyers la ga dito: “Sti ani l’era tanto importante che tuti nela fameia i giutesse nel laoro in colònia. Alora, el prèssio che el omo el paghea par maridarse cola fiola el giutea tanto questa fameia.” Pol esser che questo prèssio anca el giutesse le fameie a esser pi amighe. Cossita, le fameie le podea giutarse quando le infrontesse dificoltà. Questo prèssio anca el mostrea che quela dona la ndaria maridarse e che de lì avanti saria el so omo che el ndaria protegerla e tenderla, e nò pi so pare.

El libro I israeliti del passà — la so vita e la so maniera de far le robe * el ga dito: “Quando el omo ndaria maridarse, ghe tochea pagar o dar qualcossa par la fameia dela dona. Tante persone le podaria pensar che maridarse l’era come far un negòssio. Ma questo prèssio l’era par giutar la fameia, nò par comprar la dona. Alora, el prèssio che el omo el paghea ala fameia dela dona, no’l volea dir che lu l’era drio comprarla come se la fusse un mestier.”

In arquanti paesi, el omo che el va maridarse ancora el ga de pagar un prèssio ala fameia dela dona. Ma i genitori che i ze Testimònie de Geovà no i ga de domandar de pi de quel l’è giusto. (Fil. 4:5; 1 Cor. 10:32, 33) Cossita, lori i ndarà mostrar che no i ama i soldi e che no i vol sempre de pi. (2 Tim. 3:2) E quando i genitori i domanda el prèssio giusto al omo, no ghe tocarà spetar par maridarse fin che el gàpia i soldi che bisogna. E se lu l’è pioniero, no ghe tocarà assar el laoro par Geovà fin che el gàpia i soldi par pagar el prèssio ala fameia dela dona.

In arquanti paesi, ghen’è lege che le dise fin quanto la fameia dela dona la pol domandar al omo che el vol maridarse. In questi posti, i genitori che i ze Testimònie de Geovà i obedisse a queste lege. Parché? La Bìblia la dise che tuti noantri ghemo de rispetar le autorità e obedir ale lege che no le vae contra quel che Dio el dise. — Rom. 13:1; Ati 5:29.