Nte una guera, se guasta tanti soldi.

•   “Nele ùltime guere che ga sucedesto in tuto el mondo, l’è stà guastà 2,2 trilioni de dòlari (de pi de 10 trilioni de reai). No i gavea mai guastà tanti soldi cossita.” — The Washington Post, 13 de febraro de 2024.

 Ma, nele guere, no se perde sol soldi. Par esémpio, vedemo quel che ga sucedesto nela guera dela Ucrània:

•   Soldadi. Arquante peschise le dise che quasi 500 mila soldadi i ze stati copadi o i ze restadi desgrassiadi de quando ga scominsià la guera fà due ani.

•   Altre persone. Le Nassion Unide le ga dito che de pi de 28 mila persone le ze morte o le se ga fato mal in questa guera. Ma una autorità dela ONU la ga dito: “No semo gnanca boni de saver tuto quel che le persone le seitarà a sofrir par causa de questa guera.” a

 El sofrimento par causa dele guere e dela violensa in tuto el mondo l’è pròpio bruto.

•   114 milioni de persone le ga perso le so case par causa dele guere e dela violensa fin setembre de 2023.

•   783 milioni de persone le ze drio patir una bruta fame. Una organisassion b la ga dito: “El problema dela fame nel mondo quasi sempre vien fora par causa dele guere. In tuto el mondo, 70% dele persone che le patisse la fame le ze de star in posti ndove ghen’è guere o violensa.”

 Sarà che le guere le ndarà finirse? Sarà che un giorno gavaremo pace? Sarà che el magnar che ghen’è nel mondo el sarà doperà par finir fora cola fame e par giutar i poareti? Cossa che la Bìblia la dise?

 La Bìblia la gavea belche dito che ghen saria tanta guera nel mondo. Ela la ga parlà sora un cavaliero che rapresenta la guera.

•   “E l’è ndà fora nantro caval, col color de fogo. El cavaliero el ga ricevesto el poder de cavar la pace dela tera, parché i òmini i se copasse un al altro, e lu el ga ricevesto una granda spada.” — Apocalisse 6:4.

 Dopo de questo cavaliero, ghen’è altri due che i rapresenta la fame e la morte. (Apocalisse 6:5-8) Par saver de pi sora questa professia dela Bìblia e esser sicuro che la ze pròpio drio suceder ancoi, ledi el artìcolo “Quem são os cavaleiros do Apocalipse?”

 Presto, el mondo no’l ndarà pi guastar gnente cole guere. Ma no saremo mia noantri che ndaremo finir cole guere. Varda quel che la Bìblia la dise:

•   Dio el ndarà finir “fora con tute le guere che ghen’è nela tera”. — Salmo 46:9.

•   Dio el ndarà finir fora con tuto el sofrimento che ghen’è par causa dele guere. “Lu el sugarà tute le làgrime dei so oci, e no ghen sarà pi la morte, gnanca pi tristessa, gnanca piander, gnanca dolor. Le robe che ghen’era vanti no ghen’è pi.”— Apocalisse 21:4.

•   Dio el ndarà dar una vita de pace par tuti. “El me pòpolo ndarà de star nte un posto de pace, in case sicure e in posti tranquili.” — Isaia 32:18.

 De acordo cole professie dela Bìblia, le guere e altre brute robe che le ze drio suceder ne giuta a capir che suito ghen sarà un mondo de pace.

 Come che Dio el portarà pace? Par meso del so governo, o Regno. (Mateo 6:10) Par imparar cossa che l’è questo Regno e come che el pol giutarte, varda questo pìcolo video Cossa che l’è el Regno de Dio?