Masaalimu 97:1-12
97 Yehova tori Mwene!
Elapo etteeliweke murima.
Ootheene anikhala musisironi atteeliweke murima.
2 Meeku ni epiphi yoomurukurerya;Owo tori mwene ooloka ni a xariya.
3 Mooro onnirowa ohoolo wawe,Nave onnaapaha awanani awe mipantta sootheene.
4 Waarya wawe onnimwaleela olumwenku wootheene;Elapo ennittettemela okathi eniweha aya eyo.
5 Miyaako sinnitothowa ohoolo wa Yehova, ntoko eseera,Ohoolo wa Pwiya a elapo yootheene.
6 Erimu ennilaleya exariya awe,Nave atthu ootheene, anniweha ovuwa wawe.
7 Atthu ootheene ankokhorela ilatarato, anrowa wuulihihiwa muru,Yaale aniittottopa mwaha wa amuluku aya ahirina efaita.
Amuluku ootheene, yuurame ohoolo wawe.
8 Siyoni onniiwa ni onnitteeliwa murima;Ipooma* sa oYuda sootteeliwa murima,Mwaha wa exariya anyu, nyuwo Yehova.
9 Nyuwo Yehova, ti muri Muluku Muulupalexa mulaponi mootheene;Nyuwo ti muri muulupalexa waavikana amuluku ootheene.
10 Nyuwo munimphenta Yehova, munyokheke itthu sootakhala.
Owo onnaasuka arumeyi awe oororomeleya;Onniwoopola mmatatani mwa atakhali.
11 Muthuko onnaamwaleela anaxariya,Nave otteeliwa murima onnaaphwanya ale ooreera murima.
12 Nyuwo anaxariya, mutteeliweke murima mwaha wa Yehova,Muttottopeleke nsina nawe noowaarya.
Inoota
^ Eheeperi, “Anamwane axithiyana”.
