Jaappaanen mittan deꞌiya attuma shodhdheti issi mala cenggurssan zaari zaaridi coo waassiyogan erettoosona. Gidoppe attin, eti ubbay issippe waassiyo wodekka issuwa cenggurssaa shaakkidi erana danddayettees. Hegee, issi heeran deꞌiya attuma shodhdheti maayettidi kayan kayan maccaageeta xeegiyo gishshataassa gidiyogaa, Jaappaanen shodhdhetubaa xannaꞌiyageeti akeekidosona.

 Hagaa akeeka: Jaappaanen mittan deꞌiya attuma shodhdheti waassiyoy maccaageeti eta dosanaadan oottanaassa. Hegee shodhdhetu cenggurssay kiyiyosan doommidi, hegaappe qooriya heeran gujji gujji bees.

 Issi attumaagaa waasuwa hara attumaageetu waasuwappe waati shaakki erana danddayettii? Jaappaanen mittan deꞌiya shodhdheti issippe coo waassiyogaappe, matan deꞌiyageeti maaraa naagidi issoy issuwappe kaallidi waassiyogaa etabaa xannaꞌiyageeti akeekidosona. Hegee shodhdheti ubbay issi wodiyan waassennaadaaninne wolqqaa qoraphphidi bantta kayan kayan cenggurssaa sissanaadan maaddees. Hegaa bollikka, eti maayettidi kayan kayan waassiyogee, gidduwan shemppanaadan oottees.

 Shuboy baynnan kiitaa yeddiyogaabaa xannaꞌiyageeti Jaappaanen mittan deꞌiya shodhdheti maayettidi waassiyo hanotaa kaallidi, kiitay issoy issuwara xubettennan baanaadan, muttumurettidabaa goꞌettanawu malidosona. Hegee, ammanttiya ogiyan kiitay baanaadaaninne wolqqaa qoraphphanaadan oottees.

 Ne qofay aybee? Jaappaanen mittan deꞌiya shodhdheti maayettidi waassiyogee lodda laamiyan yiidabeeyye, giigissiday deꞌii?