TIMIRTTE 25
Xoossay Nuussi Halchchidobay Aybee?
‘Asa baree qantta; qassi hegaa keesaykka metuwan kumidaagaa’ gidiyoogaa Geeshsha Maxaafay yootees. (Iyyooba 14:1) Nuuni hegaa mala deꞌuwaa deꞌanaadan Xoossay koyii? Koyennaba gidikko, Xoossay nuussi halchchidobay aybee? He halchchoy polettanee? Geeshsha Maxaafay zaariyo minttettiyaabaa beꞌa.
1. Yihooway nuuni ay mala deꞌuwaa deꞌanaadan koyii?
Yihooway nuuni keehi loꞌꞌo deꞌo deꞌanaadan koyees. I koyro asata, Addaamanne Hewaano medhdhidi loꞌꞌiya gannatiyan, Edene ataakiltte sohuwan wottiis. Yaatidi “Xoossai eta hagaadan yaagidi anjjiis; ‘Yelettite; corattite; ha sa7aa kumitenne haarite.’” (Doomettaabaa 1:28) Yihooway eti naata yelanaadan, kumetta saꞌaa gannate oottanaadaaninne mehiyaa doꞌaa naaganaadan koyiis. I asa ubbay payyatettan merinawu ufayttidi deꞌanaadan halchchiis.
Ha wodiyan nu deꞌoy hegaa mala gidana xayikkonne, a Xoossay nuuni hegaadan deꞌanaadan koyees. (Isiyaasa 46:10, 11) I bawu azazettiyaageeti wottiyoobi baynna hanotan merinawu deꞌanaadan haꞌꞌikka koyees.—Ajjuutaa 21:3, 4 nabbaba.
2. Ha wodiyan ufayssiya deꞌuwaa waani deꞌana danddayiyoo?
Yihooway nuna A kaaletoy koshshiyoogeeta oottidi medhdhiis. Nuuni A eranawunne awu goynnanawu koyiyoy hegaassa. (Maatiyoosa 4:4; 5:4-6 nabbaba.) I nuuni aara dabbotanaadan, ‘A ogiyan ubban hemettanaadan, A siiqanaadaaninne’ “[nu] kumetta wozanaappe” ayyo oottanaadan koyees. (Zaarettido Wogaa 10:12; Yaaqooba 2:23) Yaatiyo wode, metiyaabay deꞌikkokka nuuni tumuppe ufayttana danddayoos. Nuuni Yihoowawu goynniyo wode I koyiyoogaadan deꞌiyo gishshawu, tumuppe ufayssiya deꞌuwaa deꞌiyoogaa akeekoos.
LOYTTA AKEEKA
Yihooway saꞌaa nuussi giigissido wode nuna siiqido gita siiquwaabaanne tumuppe ufayssiya deꞌuwaabaa A Qaalay ay tamaarissiyaakko akeeka.
3. Yihooway asay keehi ufayssiya deꞌuwaa deꞌanaadan koyees
BIIDUWAA beꞌite; yaatidi kaallidi deꞌiya oyshaa tobbite.
-
Yihooway saꞌaa loꞌꞌiya soho ootti medhdhidoy aybissee?
Eranchchaa 3:11 nabbabite; yaatidi ha oyshaa tobbite:
-
Nuuni hagaappe Yihoowabaa ay tamaariyoo?
4. Yihooway halchchidobay laamettibeenna
Mazamure 37:11, 29nne Isiyaasa 55:11 nabbabite; yaatidi ha oyshaa tobbite:
-
Yihooway nuussi halchchidobay laamettibeennaagaa aybin eriyoo?
Keehi moorettida keettay zaaretti giigana danddayees. Hegaadankka, asay moorido saꞌaa Xoossay bana siiqiyaageetussi zaarettidi giigissana
5. Yihoowawu goynniyoogee nu deꞌuwan wozanappe ufayttanaadan oottees
Yihooway nu deꞌuwawu halchchidobaa eriyoogee ufayssees. BIIDUWAA beꞌite; yaatidi kaallidi deꞌiya oyshaa tobbite.
-
Teruuma Xoossay deꞌuwawu halchchidobaa erada waana goꞌettadee?
Eranchchaa 12:13 nabbabite; yaatidi ha oyshaa tobbite:
-
Yihooway nuussi oottido darobaa nashshiyoogaa waati bessiyoo?
ISSI URI HAGAADAN OYCHCHANA DANDDAYEES: “Nuuni deꞌiyoy aybissee?”
-
Woygada zaaruutee?
AY AKEEKADII?
Yihooway nuuni ha saꞌan wottiyoobi baynna hanotan merinawu ufayttidi deꞌanaadan koyees. Nuuni ayyo kumetta wozanaappe goynniyo wode, ha wodiyankka keehi ufayttana.
Zaaretuwaa
-
Yihooway Addaamessinne Hewaanissi halchchidobay aybee?
-
Xoossay asawu halchchidobay laamettibeennaagaa aybin eriyoo?
-
Neeni waana tumuppe ufayttana danddayay?
PILGGA
Edene gannatee tumu deꞌidaba gidiyoogaa nuuni ammanettana danddayiyoy aybissakko akeeka.
“Edene Ataakiltte Sohoy—Hayseeyye Tumee?” (Wochchiyo Keelaa, Usuppune 1, 2011)
Saꞌay merinawu deꞌanaagaa nuuni ammanettana danddayiyoy aybissakko akeeka.
Ne deꞌuwan waana ufayttanaakko Geeshsha Maxaafay yootiyoobaa akeeka.
Bawu ubbabay deꞌiyabadan qoppida issi bitanee ba deꞌuwan paccidabay deꞌiyoogaa waati akeekidaakko beꞌa.
a Ha wodiyan nuuni hegaa mala deꞌuwaa deꞌennay aybissakko kaalliya timirttiyan beꞌana.
Hageeta Beꞌadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaꞌissiyoy Ayba Ogiyaanee?
Yihoowa Markkati miishsha qanxxissennan xannaꞌissiyo prograamiyan, Geeshsha Maxaafaa birshshettaa awugaakka goꞌettana danddayaasa. Ne so asa ubbaynne ne laggetikka nenaara xannaꞌanaadan shoobbana danddayaasa.
