Bala Timirttiyaa 5: Mayraama Xoossaa Aayyiyo

Ha bala timirttiyau denddoy aybee? “Xoossaa aayyiyo bonchiyoogee . . . allaga xoossau goynniya daroti woosa keettaa yiido wode eesuwan aakkiis. . . . Eti [kase allaga xoossau goynniya, Kiristtaane ammanuwau laamettidaageeti] goynuwau mishettiyoogeenne haymaanootiyaa kaalliyoogee, ‘gita aayyiyo’ gidida xoosseenne ‘geelaˈo xoossee’ ammanuwan shaˈan qoodettiya layttau deˈidaba.—Ze Niwu Inssaykilopidiya Biritanika (1988), Vooliyum 16, sinttaa 326nne 327.

Geeshsha Maxaafay woygii? “Neeni shahaarada attuma na7a yelana; a sunttaa Yesuusa yaagada sunttana. I gita gidana; qassi Ubbaappe Bolla Xoossaa Na7a geetettana; . . . hegaa gishshau, ne yelana geeshsha na7ai Xoossaa Na7aa geetettana.”—Geddi ootti xaafiday nuna; Luqaasa 1:31-35.

Ha xiqisee Mayraama Xoossaa aayyiyo gidennan, “Xoossaa Na7aa” aayyiyo gidiyoogaa yootees. ‘Saloti ayyo gidanau danddayenna’ Xoossaa a shahaaranau danddayay? (1 Kawotu 8:27) A hegaadan mule gabeykku. Mayraamo xeelliyaagan hegaa mala kirqqay merettanaadan oottiday Sillaasiyaa timirttiyaa. Efisoona Yaaˈay 431 M.Ln, Mayraamo Tiˈotokos (“Xoossaa yelidaaro” giyo birshshettay deˈiyo Giriiketto qaalaa), woykko “Xoossaa Aayyiyo” yaagidi iyyo goynnanau ogiyaa dooyiis. He yaaˈaa shiiqido Efisoona katamay xeetan qoodettiya layttau yelettiyoogaa xoossee, Arxxemiisi eeqa goynuwau waanna soho gididi takkiis.

Yaatiyo gishshau, Mayraamiyyo goynniyoogan deˈiya darobay, giishin corattidi goynuwau dabaabaa kiyiyoogaa milatiyaabay yiidoy, “saluwaappe wodhdhida” Arxxemiisi misiliyaa goynuwaappe. (Oosuwaa 19:35) Kiristtaane timirttiyan guyyeppe gujettida harabay, goynuwan Mayraami misiliyaanne hara misiliyaa goˈettiyoogaa.

Kaallidi deˈiya Geeshsha Maxaafaa xiqiseta beˈa: Maatiyoosa 13:53-56; Marqqoosa 3:31-35; Luqaasa 11:27, 28

TUMAA:

Mayraamaa Xoossaa Naˈaa aayyiyooppe attin, Xoossaa aayyiyo gidukku. Sillaasiyaa timirttee Mayraama Xoossaa Aayyiyo giyo goynuwaa yeliis