Daroti hayqqiyo wode saluwaa baanau hidootoosona. Yesuusi ba kiittido ammanettidaageeti yan deˈanaagaa yootiis. I hayqqanaappe kase, ba Aawaa matan saluwan etassi sohuwaa giigissanaagaa yootiis.—Yohaannisa 14:2 nabbaba.

Asay hayquwaappe denddidi saluwaa biyoy aybissee? Eti yan ay oottanee? Yesuusi ba kiittidoogeetuyyo eti kawo gidanaagaa yootiis. Eti saˈaa haarana.—Luqaasa 22:28-30; Ajjuutaa 20:4 nabbaba.

Daro biittan, haariyaageeti amaridaageetu xalla. Saˈaa bolli haaranaadan Yesuusi hayquwaappe denttiyo asati saluwaa biyo gishshau, he doorettidaageeti amaridaageeta giyoogee bessiyaaba. (Luqaasa 12:32) Geeshsha Maxaafay Yesuusaara haaranaageetu qooday aappunakko yootees.—Ajjuutaa 14:1 nabbaba.

Woytuwaa demmanaageeti saluwaa biyaageetu xalla gidokkona. Yesuusa Kawotettau ammanettidi haarettiyaageeti gannate saˈan merinaa deˈuwaa demmana. (Yohaannisa 3:16) Issoti issoti ha iita alamee xayiyo wode bashshaappe attidi Gannatiyaa gelana. Harati qassi hayquwaappe denddidi yan deˈana.—Mazamure 37:29; Yohaannisa 5:28, 29 nabbaba.