Yesuusa Hayquwa Hassayiyo Baalaa
Qeeraa, Hosppune 4, 2017 (Hosppune 12, 2025)
Yihoowa Markkati Yesuusi azazidoogaadan layttan layttan issitoo A hayquwa hassayanawu shiiqoosona; I hagaadan giis: “Tana hassayanawu hagaa oottiyogaa aggoppite.”—Luqaasa 22:19.
Ha dummabawu nunaara shiiqanaadan nena shoobboos.
Asay Darotoo Oychchiyo Oyshata
Ha prograamee ay keena wodiya ekkii?
Issi saate gidiyagaa.
Awan shiiqiyoo?
Hegaabaa loytta eranawu Yihoowa Markkata oychcha.
Shiiqanawu miishsha qanxxissii?
Chii.
Muxuwataa shiishsheetii?
Chii.
Hegawu issi dumma maayo maayana koshshii?
Ha shiiqotun hagaa qommo maayuwa maayite giyobi deꞌennaba gidikkonne, Yihoowa Markkati kiphataaninne bonchchissiya ogiyan maayanaadan Geeshsha Maxaafay zoriyobaa kaalloosona. (1 Ximootiyoosa 2:9) Ne maayoy keehi alꞌꞌo woy dumma maayo gidana bessees giyobi baa.
Hassayiyo Baalan ay siyanee?
Shiiqoy doomettiyoynne kuuyettiyoy mazamuriyananne Yihoowa Markkatuppe issoy woossiyo woosaana. Geeshsha Maxaafaappe shiiqiya haasayay Yesuusa hayqoy nuussi ay keena koshshiyakko, qassi Xoossaynne Kiristtoosi oottidobay nuna waati maaddiyakko qonccissees.
Gujjada eranawu, “Yihoowa Markkati Godaa Kahuwaa Bonchchiyo Ogee Hara Haymaanootetuugaappe Dummatiyoy Aybissee?” giya huuphe yohuwa xeella.
Hassayiyo Baalaa sinttappe awude awude bonchchanee?
2017 M.L (2025): Qeeraa, Hosppune 4 (Hosppune 12)
2018 M.L (2026): Hamuusa, Laappune 24 (Hosppune 2)
Hageeta Beꞌadii?
HASSAYUWAA
Yesuusa Hayquwaa Hassaya
Ha keehi koshshiya hanotaa nunaara issippe hassayanaadan nena shoobboos. Yesuusa deꞌoynne hayqoy nena waati maaddiyaakko neeni akeekana.
GEESHSHA MAXAAFAN DEꞌIYA WAANNA TIMIRTTETA
Yesuusi Hayqqidoy Aybissee?
Geeshsha Maxaafay Yesuusa hayqoy keehi maaddiyoogaa qonccissees. A hayquwawu halchchoy deꞌii?