TUMINHAPKARY 03
Tyryy man pimixidian Tuminkery Karichian?
Kainhaꞌa dirib kaimen kidiaꞌu kywai Tuminkery Karichian idiaꞌa. Panadun piaichipaꞌazun pauwaꞌa zii, mazan pidiꞌitinpen: Tyryy man unmixidian? Yxaꞌapanym kayꞌan Tuminkery Karichian kutyꞌauraꞌanaa ysaadkau. Naꞌik mixi man tyryy Tuminkery Karichian kaminkeꞌytan unmaxaapan kunaykii kai naꞌik dinheꞌitiꞌi? Dirib pidiannau mixid Tuminkery Karichian. Aizii pygary man? Tyryy man pimixidian kapam?
1. Mixii man aimeakan xaꞌapan naꞌap Tuminkery Karichian kian kawan?
Tuminkery Karichian kian ipei saadaynhawyz ykarichian insaadan “mixiꞌu paradakary kid”. (Ecclesiastes [Eclesiastes] 12:10) Tuminkery Karichian kuwad mixiꞌu kanum xaꞌapnii kutyaꞌanaa, ykuwad mixiꞌu pidiannau daꞌy maxaapanhawyz kutyaꞌanaa. (Piaichi Luke [Lucas] 1:3; 3:1, 2.) Dirib tuminpeyznau kutyaꞌu amazada daꞌy, inkian Tuminkery Karichian kuwad mixiꞌu pidiannau daꞌy, wizai kid daꞌy naꞌik naꞌapam amazada xaꞌapan kutyaꞌanaa.
2. Kanum nii wamixidian Tuminkery karichian ysaadkau pyꞌy kutyaꞌanaa?
Tuminkery Karichian kuwad dirib aimeakan daꞌy aunaꞌu kutyaꞌainhau aichipayzun kaimenaimen. Tuminkery Karichian kuwad naꞌapauram amazada tumkau naꞌik bauran aimeakan tumkariwei kid daꞌy. Ysaadkau dun pabiꞌikid pidiannau aunaa inmixidian naꞌapauram Tuminkery Karichian kuwadan naꞌapam aimeakan tumkariwei kid daꞌy. Mazan aizii tuminpezuinhau tumkariwei daꞌy inkian: Tuminkery Karichian kuwad sakichipaꞌu. “Tuminkery Karichian wyryy mixiꞌu kai naꞌik karikeunan”.— Psalm (Salmo) 111:8.
3. Kanum nii wamixidian naꞌapam Tuminkery Karichian kuwadan dinheꞌitiꞌu daꞌy?
Tuminkery Karichian idiaꞌa kainhaꞌa kywai kid “aunaꞌuraz zii ixaꞌapan”. (Isaiah [Isaías] 46:10) a (Pytykap diuraz kainharibei idiaꞌa.) Kainhaꞌa aimeakan xaꞌapaꞌu kutyaꞌauranaa, ixaꞌapan iaꞌii ysaadkau Tuminkery Karichian idiaꞌa. Tuminkery Karichian kuwad kaimenaimen ipei aimeakan xaꞌapaꞌu aizii. Aizii watuminpen nii wyryy kywai kid daꞌy. Pytuminpen dun Tuminkery Karichian idiaꞌa naꞌapauram wyryy kywai kid xaꞌapan, ykaminkeꞌytan nii pimixidian pauwaꞌa zii.
PYTUMINHAP PAUWAꞌA ZII
Pytykap naꞌapam Tuminkery Karichian kuwadan naꞌap cientistanau kian kawan naꞌik pytykap kapam pabiꞌikid Tuminkery Karichian kywaa kid daꞌy.
4. Naꞌapam cientistanau kian naꞌap Tuminkery Karichian kiayzun kawan
Dirib kutyaꞌainhau mixidian aimeakan zamatapnii imiꞌibaaraꞌa. Yawynytap VÍDEO.
Dubtaꞌuraꞌanaa 3.500 wyn Jó karichian saadkau, pytykap naꞌapam ykuwadan. Yaichi Job (Jó) 26:7. Ydaynaꞌan ykadakuinhap wyryy aimeakanau daꞌy:
-
Tuminkery Karichian kuwadan “aunaa kanum” zamatapaꞌu imiꞌibaara. Kandii nii imanawynyꞌu ykuwadan id naꞌap kidiaꞌu daꞌy?
Suu 200 wyn zii, pidiannau aichipan kaimenaimen naꞌapauram wyn kautinhan. Mazan pytykap naꞌapam Tuminkery Karichian kuwadniꞌi naa kutyꞌu kutyꞌu. Yaichi Job (Jó) 36:27, 28. Ydaynaꞌan ykadakuinhap wyryy aimeakanau daꞌy:
-
Kutyꞌanaa Tuminkery Karichian kuwadan wyn kautinhan daꞌy. Kandii nii imanawynyꞌu ykuwadan id naꞌap kidiaꞌu daꞌy?
-
Wyryy saadkariwei kidiaz Tuminkery Karichian diꞌik maꞌuzakadan nii man pimixidian pauwaꞌa zii ykarichian daꞌy?
5. Kutyꞌanaa Tuminkery Karichian kuwadniꞌi naa kanumaꞌu nii xaꞌap dinheꞌitiꞌi
Yaichi Isaiah (Isaías) 44:27–45:2. Ydaynaꞌan ykadakuinhap wyryy aimeakanau daꞌy:
-
200 wyn, Babilônia mainhabatkau iaꞌii, kanum aimeakan kid Tuminkery Karichian kuwadnii Babilônia daꞌy?
Tuminpeyznhau kutyaꞌu amazada daꞌy inkuwad kaimenaimen Ciro kazuwaytipaꞌu Pérsia, yryy papuchurynau tym inkaztan Babilonia 539 wyn Disu iaꞌii. Intanautan daynaꞌan iwaꞌyz pynaa awaytpaꞌu Babilônia, yryy dun inmurutan in ikudan id daꞌatinpeꞌu paninum naꞌik maxaꞌapanaa inkaztan Babilônia. Aizii 2.500 wyn dubtan daynaꞌan, watykap suu Babilônia dayn, ipei inkabutkau. Pytykap naꞌapam Tuminkery Karichian kiayzun ixaꞌapan iaꞌii.
Yaichi Isaiah (Isaías) 13:19, 20. Ydaynaꞌan ykadakuinhap wyryy aimeakanau daꞌy:
-
Naꞌapam wyryy kywai dinheꞌitiꞌu daꞌy xaꞌapan?
Diura wyryy Babilônia dayn, naꞌiaꞌuran Iraque aizii
6. Tuminkery Karichian kuwadnii naa aimeakan kid daꞌy watykpaniaz aizii
Tuminkery Karichian kian maunaptaꞌanaa diuraz dikeydaꞌu amazada katukuntinhan. (2 Timothy [2 Timóteo] 3:1) Pytykap naꞌapam Tuminkery Karichian kakuwapan naꞌapam nii amazada aizii.
Yaichi Matthew (Mateus) 24:6, 7. Ydaynaꞌan ykadakuinhap wyryy aimeakanau daꞌy:
-
Naꞌapam Tuminkery Karichian kuwadan dikeydaꞌu amazada katukuntinhan diꞌit?
Yaichi 2 Timothy (2 Timóteo) 3:1-5. Ydaynaꞌan ykadakuinhap wyryy aimeakanau daꞌy:
-
Naꞌapam Tuminkery Karichian kuwadan pidiannau kadyz dikeydaꞌu amazada katukuntinhan diꞌit?
-
Xaꞌapauran pidiannau kadyz pytykapan naꞌap aizii?
PABIꞌIKID PIDIANNAU KIAN: “Wyryy Tuminkery Karichian suu kutyaꞌainhau kywaa intumini kid daꞌy au karikeunan.”
-
Aizii pygary man, xaꞌapaꞌuran aimeakan aidyaꞌu pyꞌat tyryy pimixidian Tuminkery Karichian?
WATUMINHAPNII
Naꞌapam amazada dubtan, naꞌapam tumkariwez kid tumkau naꞌik kywai dinheꞌitiꞌu daꞌy Tuminkery Karichian diꞌikiꞌu yaidyan tyryy pimixidian Tuminkery Karichian.
Watykap kuxan
-
Mixiꞌu man wyryy kywai kid xaꞌapan naꞌap Tuminkery Karichian kian kawan at?
-
Kanum kid idiaꞌan cientistanau kian mixiꞌu naꞌapam Tuminkery Karichian kian?
-
Pimixid naꞌapam Tuminkery Karichian kuwadan dinheꞌitiꞌu daꞌy? Kanum nii pi itimen naꞌap?
PIAICHIPAꞌAZUN PAUWAꞌA ZII?
Kainhaꞌa man kywai panaꞌitiꞌu Tuminkery Karichian idiaꞌa cientistanau kywa kawan?
Kanum idiaꞌan wa aichipan wamaxaapan naa diuraz “amazada katukuntinhan diꞌit”?
“6 kywai kid Tuminkery Karichian diꞌikiꞌu xaꞌapan naa kai” (Awynyytpaꞌu, 1.º de maio de 2011)
Pytykap kywai kid Tuminkery Karichian diꞌikiꞌu Grego sanau kazuwaychipan daꞌy.
Pytykap aizii Andreas daꞌy au. Aunaa ymixidiayzun Tuminkery. Pytykap naꞌapam Tuminkery Karichian kywaa tanautkidian ydiꞌitinpen.
“Aunaa unmixidiayzun kainhaꞌaꞌu Tuminkery” (Awynyytpaꞌu, n.º 5 de 2017)
a Kainharibei: Kainhaꞌa kywai kid Tuminkery diꞌikiꞌu ykuwadkau dinheꞌitiꞌu daꞌy.
