“Ypixaan an unDary kanum karikeunan daꞌy at, un yy idiaꞌan ytaan nii ynau at.” — John (João) 16:23.

Disu tuminhapkidian waturinpen dun aunaa kiz wakaiween anjo kadyz nhau dikin, atii kutyainhau pidiannau dikin naꞌik dikinii tumkariwei kadyz kid, naꞌik waturinhap kiz Disu yy idiaꞌan. Waturinpen dun Tuminkery at Disu yy idiaꞌan wa aichap Tuminkery abatan nii waturinpen Disu xaꞌaptan id ymanawyn kidiaꞌu aimeakan waꞌat. Disu kian: “Suu ungary idiaꞌan tyryy kaawakary unDary diꞌit.” — John (João) 14:6.

“Pykuwad Tuminkery at naꞌapam piabatinpen pinhikynyy ii.” — Psalm (Salmo) 62:8.

Waturinpen dun Yewah at waparad kiz yꞌat naꞌap danii kadakuinpen kawan padary tym. Waturinpen dun aunaa kiz wakaiween saadkariwez turinhapkary kadyz kid uu wakiweꞌanap kidian waturinpen, wataap kiz yryy ymanawynyꞌu nii waturinpen dun naꞌapain waturinhap kiz wanhikynyy ik.

“Wa aichipan id ynhikynyypan nii waynau naꞌapainim dun wapixaan aimeakan yꞌat, ynhikynyy aipen nii kawan atiꞌu.” — 1 John (1 João) 5:14.

Yewah kuwad waꞌat paKarichianaa idiaꞌan kanum mau nii yxaꞌapatan waꞌat naꞌapain kanum kiz waxaꞌapat yꞌat. Wa aipen dun Tuminkery abatan waturinpen, waturinhap kiz ‘naꞌap ynhikynyy aipen kawan at’. Watuminhap kiz yParadan Karichianaa diꞌik wa aichap kinhaꞌa nii Tuminkery kaimenaimen naꞌik waxaꞌapat kinhaꞌa nii yaipen kawan at. Ynaꞌapan dun, yabatan nii waturinpen paꞌat.

Pyturinhap aimeakan pi aiapnii dayꞌan. Waturinhap kiz Tuminkery at wa pixaan ytaa kiz wa wanhikynyy nii, wakamichan nii daꞌy at naꞌapain wamaxaap kiz daꞌy at. Waturinpen dun wapixaa kiz kapam wa aichipab kiz waxaꞌaptan aimeakan kaimen kidiaꞌu naꞌik maꞌuzak kiz wataapan wanhikynyy wabaiweetnii kadyz kid daꞌy at. Wapixaa kiz yꞌat maꞌuzak kiz wataapan wamixidian, ymarinhat kinhaꞌa nii wauian kadyz kid naꞌik ykaminkeꞌyt kinhaꞌa nii waynau. — Luke (Lucas) 11:3, 4, 13; James (Tiago) 1:5, 17.

Pyturinhap baurainhau at. Kunaykii kamarainpeninhau dariinhau naꞌapain daruinhau nhikynyy intykpan id paydainhau marainpeakan paꞌatiaaka. Yewah kapam ytykpaꞌazun naꞌapam paydainhau maxaapan kaimen inmarainpeakan daꞌaa wyryy amazada idiaꞌa. Waturinhap kiz wairibennau at, wadaiary at uu wadaiaru at, wadainhau at naꞌapain waminhaꞌydanau at kapam. Disu puchury Tiago saadan: “Yturinhap baurainhau at.” —  James (Tiago) 5:16.

Pyturinhap pykunaykii kid aimeakan taakariwez pyꞌat. Tuminkery Paradan Karichianaa aidi watumik dayꞌan: “Mazan karikeunan ytykap kidian pakamynan kidian. Ydiyd wyn ynau pauribe kid kaaka kinhaꞌa nii, naꞌik ytaa pabiꞌinaak kid ywanhikynyy nii. Naꞌik ytaa kunaykii kinhei ynhikynyy it.” (Acts [Atos] 14:17) Wadiꞌichipan dun ipei aimeakan kid kaimen kidiaꞌu Tuminkery xaꞌapatnii waꞌat, wakunayki kidian nii yryy waturinpen idiaꞌan. Wa aidyan nii kapam wakunaykii kidian yryy waizuꞌitin dun ykakinhauri kadyz kid. — Colossians (Colossenses) 3:15.

Panadun kaxaꞌur pinhikynyy pytykpan id aunaa pyturinpen dakuꞌatkeu kadimen. Ykayꞌan mixiꞌu man aunaa Tuminkery nhikynyypan pygary? Aunaa! Pytykap naꞌapam pabiꞌikid pidiannau kian aunaa id inmaxaadan paturinpen yꞌat.

Steve, kuwadaꞌuraz padubatnii kid dayꞌan, ykian: “Aunaa dun man unturinpeyzun aunaa unzaydikidian unkunaykiayzun puwaꞌa it.” Kanum kaminkeꞌyt Steve turinhapkary kadyz kid dayꞌan? Ysakadan patuminpen Tuminkery Paradan Karichianaa idiaꞌa naꞌik ytuminpen karikeunan yturinhap kiz, aunaa kiz ymaxaadan. Ykian: “Unturinhap Tuminkery at unkunayki kidian id unminhaydaꞌychiap nii pidiannau kaminkeꞌytaꞌuraz ungary. Aizii kunaykii ungary unmaxaapan kiwiiniꞌu ai.”

Jenny itiimen aunaꞌu nii Tuminkery nhikynyypayzun paygary, ukian: “Unnhikynyy kaxaꞌuran id undubtapnii kid dayꞌat, unturinpen Tuminkery at ykaminkeꞌyt kiz ungary aunaa kiz un abatinhan ikudaꞌu aunaa unmarainhapkau.” Naꞌap dii turinhapkary kaminkeꞌytan uruu? “Unturinpen id Tuminkery at un aichap naꞌap dii Tuminkery tykpan ungary; undiꞌitinpen id aunaa Tuminkery nhikynyypan ungary, mazan un aichap aunaa Tuminkery diꞌitinpen naꞌap. Unturinpen id aunaa unkakinpen.” Kanum xaꞌap yryy daynaꞌan? “Unturinpen id untykpan Yewah unDary nii, untykap yryy kamarainpenyꞌu; naꞌapain mixiꞌu Minhaydaꞌyi nhikynyypaꞌuraz ungary. Untiweeinpen dun unxaꞌaptan yaiapnii kadyz kid, karikeunanyꞌu nii ytaapan ungary naꞌapain ykaminkeꞌytan nii ungary.”

Pytykap kapam Isabel dayꞌan. Ukaydanin dun, daktaatinpenhau kian uꞌat udan xaktan nii achuꞌu nii yryy. Tyykii unhikynyy kaxaꞌuran. Pabiꞌikid pidiannau kian uꞌat upurutkid kiz paydan. Isabel kian: “Un itiimen xaꞌa unmaukan nii unnhikynyy kaxaꞌuran id.” Kanum uxaꞌapat? “Tyykii unturinpen Tuminkery at ykaminkeꞌyt kinhaꞌa nii ungary.” Yryy daynaꞌan, udan Gerard xaktan naa. Achuꞌu kuraidiaunaa nii mixi yxaktan. Isabel aichap man Tuminkery dakuꞌatnii paturinpen? Uaichap ydakuꞌat! Mazan, naꞌapam? Ukian: “Untykpan id undan, aizii yryy 14 ywynyn, kunaykii ynhikynyy ymaxaapan pa achuꞌun pyꞌy padamata, yryy idiaꞌan untykap naꞌapam unturinpen dakuꞌatkeu, yryy ymanawynyꞌu aimeakan Yewah taanii un at.”

Paradakary kid kaimen kidiaꞌu diuraz kawynyꞌu kaminkeꞌyt wadiꞌitinpen saadkariwez kawan salmo idiaꞌa: “Piabatan nii kaimenainhau pidiannau pixan dun aimeakan pyꞌat, Yewah. Pymaꞌuzakadan nii in nhikynyy naꞌik pynhikynyypan nii inhau.” (Psalm [Salmo] 10:17) Yryy id, karikeunan waturinhap kiz.

Irib mixidiainhau turinpen ikudkau Tuminkery Paradan Karichianaa idiaꞌa: Disu turinpen paDary at. Ytuminhapkid patuminhapkidniinhau naꞌapam kiz inturinpen. Naꞌapan watuminpen Disu turinpen daꞌy? Watykap.