An bagyo nga Rai (nga gintawag nga Odette ha Pilipinas) nag-landfall ha iba-iba nga lugar ha Pilipinas tikang han Disyembre 16 tubtob 18, 2021. May-ada ito hangin nga an kakusgon inabot hin 195 ka kilometro kada oras (121 ka milya kada oras) han siyahan nga nag-landfall ito ha Siargao Island ha Pilipinas. Nagpahinabo ito hin daku nga distroso ha mga probinsya ha Northern Mindanao, Southern Luzon, ngan ha Visayas.

• Makasurubo, 4 nga kabugtoan an namatay

• 1 nga bugto an nawawara pa

• 12 nga kabugtoan an nasamaran

• Sobra 2,000 nga kabugtoan an binalhin

• 246 nga balay an narumpag

• 327 nga balay an may daku nga guba

• 1,174 nga balay an may gutiay nga guba

• 43 nga Kingdom Hall an may gutiay nga guba

• 6 nga Disaster Relief Committee an ginporma basi manguna ha relief work

• Ginsi-shepherding han lokal nga mga tigurang an kabugtoan nga naapektohan, upod na adton nawad-an hin mga hinigugma

• An ngatanan nga nakikigbahin ha relief work nasunod ha mga safety protocol parte han COVID-19

Ilarom ha paggiya han mga tigurang, an kabugtoan tikang ha diri apektado nga mga lugar nagdonar hin mga pagkaon ngan bado ha kabugtoan nga nabagyohan. May mga pagkaon tikang ha Davao City nga iginpanhatag dayon ha mga pamilya nga nanginginahanglan ha Surigao City.

Nasusubo kita nga an pipira han aton hinigugma nga kabugtoan namatay tungod hini nga bagyo. Samtang gin-iilob naton inin “peligroso nga mga panahon nga makuri pakiangayan,” padayon nga nasarig kita kan Jehova basi magliaw ngan magparig-on ha aton.—2 Timoteo 3:1.