An aton Maglalarang naghatag hin mga surundon ha pag-asawa maiha na antes pa an mga gobyerno magpatuman hin mga balaud may kalabotan hito. An siyahan nga libro han Biblia nagsusumat ha aton: “An lalaki mabaya ha iya tatay ngan ha iya nanay ngan hiya matampo ha iya asawa, ngan hira magigin usa nga unod.” (Genesis 2:24) An Hebreo nga pulong para ha “asawa,” sumala ha Vine’s Expository Dictionary of Biblical Words, “nagpapasabot hin usa nga babaye.” Inabuyon hi Jesus nga an ikakasal kinahanglan “lalaki ngan babaye.”​—Mateo 19:4.

 Salit katuyoan han Dios nga an pag-asawa magin permanente ngan duok nga relasyon han lalaki ngan babaye. Gindisenyo an lalaki ngan babaye nga magin angayan nga magpadis basi maihatag nira an emosyonal ngan seksuwal nga panginahanglan han usa kag usa ngan magkaada hin mga anak.