Eclesiastes 1:1-18
1 An mga pulong han instruktor,*+ nga anak nga lalaki ni David, nga hadi ha Jerusalem.+
2 “Waray gud pulos!”* siring han instruktor,“Waray gud pulos! Waray pulos an ngatanan!”+
3 Ano an nakukuha han usa nga tawo tikang ha ngatanan niya nga pagpinaniguro ha pagtrabahoNga iya ginbubuhat ha ilarom han adlaw?+
4 Usa nga henerasyon an nabaya, ngan usa nga henerasyon an naabot,Kondi an tuna nagpapabilin* ha waray kataposan.+
5 An adlaw nasirang,* ngan an adlaw natutunod;Katapos, nagdadagmit ito pagbalik* ha lugar diin masirang ito utro.+
6 An hangin napakadto ha sur ngan nalibot ngadto ha norte;Naglilinibot-libot ito; an hangin padayon nga naglilinibot-libot.
7 An ngatanan nga sapa* naagos ngadto ha dagat, kondi an dagat diri napupuno.+
Ha gintitikangan han mga agos han mga sapa, didto ito nabalik basi umagos utro.+
8 Makapoy an ngatanan nga butang;Waray ngani nakakagyakan mahitungod hito.
An mata diri nakukontento ha pagkinita;An talinga diri liwat natatagbaw ha pagpinamati.
9 An nahitabo na amo gihapon an mahitatabo,Ngan an ginbuhat na amo liwat an pagbubuhaton;Waray bisan ano nga bag-o ha ilarom han adlaw.+
10 May butang ba nga an usa nga tawo makakasiring, “Kitaa ini—bag-o ini”?
Naeksister na ito tikang pa hadto;Naeksister na ito antes pa han aton panahon.
11 Waray nahinunumdom ha mga tawo han naglabay nga mga panahon;Waray liwat mahinunumdom hadton tiabot pa;Ngan diri liwat hira mahinunumdoman hadton maabot kasunod nira.+
12 Ako, an instruktor, amo an hadi han Israel ha Jerusalem.+
13 Iginsentro ko an akon kasingkasing nga adman ngan usisahon pinaagi han kinaadman+ an ngatanan nga ginbubuhat ha ilarom han langit+—an makasurubo nga buruhaton nga iginhatag han Dios ha mga anak han mga tawo basi magin okupado hira.
14 Nakita ko an ngatanan nga ginbuhat ha ilarom han adlaw,Ngan kitaa! waray pulos an ngatanan, paglinanat la ha hangin.+
15 An butang nga baliko diri matatadong,Ngan an butang nga diri naeksister diri gud maiihap.
16 Katapos, nagsiring ako ha akon kasingkasing: “Kitaa! Nakakuha ako hin daku nga kinaadman, labaw pa han bisan hin-o nga nauna ha akon ha Jerusalem,+ ngan an akon kasingkasing nagkaada daku nga kinaadman ngan kahibaro.”+
17 Iginsentro ko an akon kasingkasing ha paghibaro han kinaadman ngan ha paghibaro han kabuangan* ngan ha paghibaro han katuyawan,+ ngan ini liwat paglinanat la ha hangin.
18 Kay an damu nga kinaadman nagriresulta hin damu nga kasubo,Salit an bisan hin-o nga nagdudugang hin kahibaro nagdudugang hin kasakit.+
Mga footnote
^ O “tawo nga nagtitirok han katawohan.”
^ O “Kawang gud la!”
^ Lit., “natindog.”
^ O “nasanag.”
^ O “naghahangos ito nga nabalik.”
^ O “mga sapa ha kathagkot; mga sapa nga naagos la ha espisipiko nga mga panahon.”
^ O “duro nga kalurongan.”
