Jeremias 12:1-17
12 Matadong ka, O Jehova,+ kon ginpapasa ko ha imo an akon reklamo,Kon nakikiistorya ako ha imo mahitungod hin mga butang nga may kalabotan ha hustisya.
Pero kay ano nga naglalampos an pamaagi han magraot,+Ngan kay ano nga diri nababaraka an mga malimbong?
2 Gintanom mo hira, ngan nanggamot hira.
Nanubo hira ngan namunga.
Aada ka ha ira mga im-im, pero hirayo ka ha ira gihilarumi nga mga panhunahuna.*+
3 Pero kilala mo gud ako, O Jehova,+ nakikita mo ako;Gin-usisa mo an akon kasingkasing ngan nakita mo nga kahiusa mo ini.+
Pilia hira pariho hin mga karnero nga iihawon,*Ngan ilain hira para ha adlaw han pagpamatay.
4 Tubtob san-o magigin uga an tunaNgan magigin laya an mga tanom ha tagsa nga uma?+
Tungod han karaotan han mga naukoy dida hito,An mga hayop ngan an mga tamsi nagkawawara.
Kay nagsiring hira: “Diri niya nakikita an mahitatabo ha aton.”
5 Kon kinakapoy ka pagdalagan upod han mga tawo,Paonan-o ka makikigrumba ha mga kabayo?+
Bisan kon naabat ka nga talwas ka ha tuna nga murayaw,Ano an imo bubuhaton kon aadto ka ha magrabong nga mga tanom ha ligid han Jordan?
6 Kay bisan an imo mismo kabugtoan, an panimalay han imo mismo tatay,Nagin diri maunungon ha imo.+
Nasinggit hira kontra ha imo.
Ayaw pagtoo ha ira,Bisan kon nagyayakan hira hin mag-opay nga mga butang ha imo.
7 “Ginbayaan ko an akon balay;+ ginpabay-an ko an akon panurundon.+
Igintubyan ko an akon gud hinigugma* ngadto ha kamot han iya mga kaaway.+
8 Para ha akon an akon panurundon nagin pariho hin leon ha kagurangan.
Inuwang hiya kontra ha akon.
Salit nangangalas na ako ha iya.
9 Para ha akon an akon panurundon pariho hin dekolores* nga tamsi nga mandaragit;Ginpapalibotan ngan gin-aatake ito han iba nga mga tamsi nga mandaragit.+
Pakadi, pagtirirok kamo, kamo ngatanan nga hayop ha tuna,Pakadi kamo basi kumaon.+
10 Ginbungkag han damu nga paraataman hin panon an akon urubasan;+Ira gintamak-tamakan an akon malon nga tuna.+
An akon makaruruyag nga malon nga tuna ira ginhimo nga kamingawan nga waray umurukoy.
11 Nagin tuna ito nga diri napupulsan.
Nauga ito;*
Nagin binayaan ito ha akon atubangan.+
An bug-os nga tuna nagin binayaan,Pero waray tawo nga naghahatag hin atensyon hini.*+
12 An mga parabungkag nagkaabot ha ngatanan nga dalan nga agsob agian ha kamingawan.
Kay an espada ni Jehova naglalamoy tikang ha usa nga kataposan han tuna tubtob ha luyo nga kataposan han tuna.+
Waray kamurayawan para ha bisan hin-o.*
13 Nagsabwag hira hin trigo, kondi nag-ani hira hin mga tunok.+
Ginpagol-an nira an ira kalugaringon, kondi waray ito pulos.
Ikakaawod nira an ira aniTungod han naglalaga nga kasina ni Jehova.”
14 Ini an siring ni Jehova kontra ha ngatanan ko nga magraot nga kahigrani, nga naglalabot ha panurundon nga iginhatag ko ha Israel nga akon katawohan basi pagtag-iyahon:+ “Kitaa, gagabuton ko hira tikang ha ira tuna,+ ngan gagabuton ko an panimalay ni Juda tikang ha butnga nira.
15 Kondi katapos ko hira gabuton, malolooy ako utro ha ira, ngan an tagsa ha ira ibabalik ko ha iya panurundon ngan ha iya tuna.”
16 “Ngan kon sisiguruhon nira nga mahibaro ha mga pamaagi han akon katawohan ngan manumpa ha akon ngaran, ‘Sugad nga buhi hi Jehova!’ sugad la han ira pagtutdo ha akon katawohan nga manumpa ha ngaran ni Baal, ig-iestablisar hira ha butnga han akon katawohan.
17 Pero kon magdudumiri hira pagsugot, gagabuton ko liwat ito nga nasud; gagabuton ko ito ngan bubungkagon,” nasiring hi Jehova.+
Mga footnote
^ O “gihilarumi nga mga emosyon.” Lit., “mga kidney.”
^ Ha iba nga lugar, “papatayon.”
^ O “an hinigugma han akon kalag.”
^ O “tagiptipon.”
^ O posible nga “Nabibido ito.”
^ Lit., “nagbubutang hini ha iya kasingkasing.”
^ Lit., “bisan ano nga unod.”
